ده اللينك اللى عملت فيه الفرخه فالازازه والحمدلله عجب كتيير من البنات
https://fatakat.univanet.com/#1562934
انهرده ياحلوين
الفراخ على الطريقه الايرانى بالزعفران بس كان طعمها رااائع الحمدلله
ادى الصوره وبعدين انزل المقادير
اولا الدجاجه
معلقتين مسترده
معلقة زيت زيتون
ربع كوب صويا صوص عشان يديها مزه
ربع ملعقه صغيره زعفران منقوع مع ربع كوب مايه
ليمونه
ربع ملعقة سماق لومش عندك مش مشكله
نص ملعقه كركم
ملح فلفل اسود
بصله مبشوره متوسطه
طمطمايه كبيره
بقدونس وكسبره
نبشر البصل ونبشر الطماطم ونقطع البقدونس والكسبره ونحط عليهم الملح+الفلفل الاسود+
شويه من منقوع الزعفران +زيت الزيتون +المسترده+الكركم+السماق
ونقلبهم كويس
بتكون بنفس الشكل
بنقطع الدجاجه من الامام او الحلف اللى يريحك المهم يكونو مسكين فى بعص
ونكون غسلنها كويس ونعصر عليها الليمون
ونحط عليها باقى الزعفران من داخل ومن بره بنفس الشكل
بعدين بنطلعها
نحطها فالخليط السابق كده
وبعدين نجيب صينيه
ونحط شوية زيت زيتون
وندخلها الفرن على درجه عاليه ونسيبها يجى ساعه كده وبعدين نولع الشعله من فوق عشان تحمر
بعد مطلعت
تقدرى تقدميها بالطريقه اللى تريحك
وبعدين عملت الطحينه بطريقة كانت جميله جدا
توم+كمون+فلفل حراق+شوية شطه بسيطه+وزيت زيتون او ذره اللى متوفر عندك
ونص كوب زبادى+وطخينه تكون ضربها كويس مع شوية مايه دافيه وتحطى الزبادى وتضربيهم كويس
وتدقى التوم مع المقادير وتحطى زيت الزيتون
وتكون كده وتقلبى كويس ومتنسيش الملح طبعا واهم حاجه فالموضوع الليمون انا بحط لمونتين كبار
ونقلب ونرش شوية سماق وشوية بقدونس ولا كسبره مشعرفاهم من بعض
وشوية زيت زيتون بس
وعملت فتوش بس الخضره مكنتش متوفره عندى عملت بالموجود بس هقولكم الطريقة الصح
المقادير خبز مقطع مربعات وتحمصيه
نقطع الخضره بصل اخضر
خس
جزرمبشور
بقدونس وكسبره
طماطم
خيار واى خضره انتى بتحبيه حطيها
بعدبن نعصر ليمون وزيت زتون ونقلبهم وبعدين نحط الخبز المحمص على الوش
كده
طعمها بيقى حلو اوى
ويقدم
بالهنا والشفا
مش هقولكم قيمو الكلام ده مش محتاجه تقيم كل اللى محتاجه دعوه بظهر قلب
ان ربنا يهدينى ويهدى زوجى ويخليلى بنتى مواضيع هذا القسم برعاية
سندس وريحانة الجنه سندس وريحانة الجنه سوبر فتكات Fatakat 300215 فحضن بنتى – مصر