السلام عليكم ورحمة الله وبركاته
دي طريقة بطاطس كروكيت وهقولكم الاخطاء اللي حصلت معايا عشان تتفادوها ودي صورتها النهائية بعد رحلة الهرس
**الطريقة:
1- هنجهز الحشوة (ودي بتبقي دايما بواقي لحمة مفرومة عندي) يبقي لحمة مفرومة معصجة وعليها بقدونس وشبت وملح وفلفل وبهارات وشطة
2-هنسلق البطاطس ونهرسها كويس بالهراسة او بروسيسور زي ماتحبي المهم تبقي ناعمة وهتحطي عليها ملح وفلفل فقط (وانا بعملها كده لكن اتفزلكت المرة دي وقلت اجرب حتة زبدة معاها تديها طعم …وحطيت بيضة ومعرفش لازمتها ايه مكنتش بحط …وطبعا النتيجة انها طريت اوي وطلعت عيني في تشكليها) يبقي تاني اهو متحطيش اي اضافات بطاطس فقط لا غير
3- هنشكلها كور او صوابع ونحشيها لحمة مفرومة
4-هنحطها في بيض ولبن مرشوش عليهم ملح وفلفل وبعدين نطلعها نحطها في الدقيق
5-هنرجعها تاني في البيض وبعدين البقسماط عشان تعمل طبقة كويسة ودي بتبقي مع معظم الاكلات اللي بتتقلي بالقسماط( البقسماط بقي انا بحط عليه كيس فيجيتار وشوية ملح وفلفل)
6-وبعدين ترصيها في اي طبق وتدخليها الفريزر لحد ما تجمد وبعدين تتقلي في زيت سخن وخلي بالك عشان بتحمر بسرعة جدا
وده شكلها بعد ما طلعت من الزيت بسلام
وده شكلها بعد ما اكلتها
وبالهنا والشفا مواضيع هذا القسم برعاية
fola 30 fola 30 430484_3.gif فتكات رائعة Fatakat 430484 القاهرة – مصر