ازيكم يا فتكوتات
النهاردةح اعملكم برام رز بالفراخ ح تاكلوا صوابعكم وصوابع الي جنبكم وراه
نبتدي بقى شمروا ايديكم والبسوا المريلة ويلا بينا
المقادير
2 كوب رز مغسول ومنقوع عشر دقايق
نص فرخة متطعة صغير
3 بصل صغير او 2 وسط
2كوب لبن
بهارات معلقة كبيرة(2ملح_نص فلفل اسود_1كاري_1كسبرة )
نجيب حلةونقطع البصل صغير ونقلبه في معلقة سمنة وتلات معالق زيت لحد ما تصفر
بعدها نضيف الفراخ نقلبه شوية ونضيف عليها نص البهارات ونقلب كويس لحد ما تنشف ميتها وينزل منها زيت
نصفي الرز م المية ونقلب فيه بقية البهارات بالشكل دا
ندهن البرام بالسمنة
نطلع الفراخ من الحلةبعدما اتشوح ونحطه في البرام وعليه جزء من البصلة
نجيب الرز ونقلبه مكان الفراخ في بقية البصلة الي في الحلة بعيد من النار
نغطي الفراخ بالرز كويس في البرام بالشكل دا
نحط عليهم اللبن لحدما يغطيه وممكن تحطي في اللبن نص مرقة
اخيرا ندخل البرام في الفرن ونسيبه حوالي ساعة الا ربع لحد ما يشرب اللبن ويحمر وشه
واخيرا تقدموه وبالهنا والشفا
وما تنسوش التقييم والرد
دمتم في رعاية الله
مواضيع هذا القسم برعاية
shroet shroet 41508_1.gif فتكات حبوبة Fatakat 41508 مكة – السعودية