بسم الله الرحمن الرحيم
السلام عليكم ورحمة الله وبركاته
العنوان صحيح
انا ذنبت الفرخة لانها تعبتني
واخده مكان في الفريزر وانا عايزه افضيه
قلت اربيها بقى علشان تبطل تتفسح في التلج دا ههههههههههه
واليكم الصور واصحاب القلوب الضعيفة والجعانين يمتنعون
بعد بسم الله وماشاء الله والصلاة والسلام على رسول الله
التفاصيل مع الصور
جبت الفرخه المتسكعه وقسمتها من الصدر كده
وغسلتها كويس وحضرت ليها التتبيلة
زبادي وتوم مفروم ناعم ومعلقتين كبار صلصة طماطم وعصير ليمونه
وفلفل اسمر وبهارات وملح
وتبلتها كويس وسبتها حوالي 5 ساعات
وقطعت بطاطس وبصل وفلفل اخضر وطماطم وتوم وملح وفلفل اسمر
وحطيتهم كلهم في صنية فرن كده
وحطيت عليهم التتبيلة بتاعت الفرخه
وجبت شبكه وذنبت عليها الفرخه وحطيتها فوق صنية الخضار
الفرخه هتتشوي
والتتبيلة والهدون اللي في الفرخه هتنزل على صنيه الخضار
والريحه الحلوة هتعم المكان ههههههههههههه
ودخلتها الفرن تتربى كويس وتتشوي
ماهي بردة كتير ههههههههههههه
سبتها نص ساعة وبعدين ديرتها على الوش التاني
وهنا لما خلصت
وكان عندي طبق بسله مطبوخه في التلاجه
زودته ميه ومعلقة زيت ونقعت كوباية رز
وغليت البسلة ونزلت الرز وهديت النار لحد ما استوى
وبقى رز احمر بالبسله من اختراعي
وعملت بطاطس جراتان
قطعت بطاطس شرايح حوالي 5 وسط
وحضرت في طبق غويط علبة كريمة لباني 200ملي
ومعاها معلقة كبيرة دقيق
ومعلقة كبيرة جبنه كاسات ورشه ملح
وحطيتهم على البطاطس في طاسة تيفال
وسبتها تغلي 5دقايق وبعدين نزلتها في بيركس
ورشيت جبنه مبشورة على الوش
ودخلتها الفرن تتحمر من فوق
والفرخه الحلوة ممكن نقدمها مع رز او مكرونه
ها ايه رايكو في العقاب الحلو دا
اكسر للفرخه ضلع يطلع لها 24 هههههههههههههههههه
اتمنى الوصفه تعجبك يا فتوكه
وتقدري تعبي في العقاب ههههههههههههههه ومتنسيش التقييم
احبكم في الله
مواضيع هذا القسم برعاية
om rana2017 om rana2017 فتكات غالية قوي Fatakat 166849 بعيد عن مصر – الغربة