السلام عليكم ورحمة الله وبركاته
:
ازيكم يا فتوكااات اخباركم واهرامكم ههههههههه ان شاء الله تمام
بكتب في الموضوع ده من امبارح يعني ده غدا امبارح
عاوزة قبل ما ابدأ كده (بمناسبة اننا لازم ننسب الفضل لأهله) فـ بفضل الله أولا انتم لكم نصيب من الفضل ده
أنا اه أكلي حلو والكل بيشكر فيه بس أنا بكررره الطبيييخ وبكره المطبخ ده قبل ما اتابع الأكل بتاعكم طبعا بس زعلانة لأني كنت بتابع زائرة المنتدي يدخلني وبعد كده خلاص ما اششوفش اسمي ولا اي حاجة لازم عشان اعمل مشاركات يدوب احطها واسجل وهوب اطلع واخيرا الحمدلله اكتشفت ان المشكلة عندي
مش هطول عليكم ونبدأ بسم الله ما شاء الله ولا قوة الا بالله
امبارح ايه قلت اطبخ سبانخ وده لأني بمووووت فيها
عملت سبانخ ولحمة وشوربة لسان عصفور وما شاء الله تبارك الله كانت جميلة
وقلت اعمل كمان سلطة خس (انا فاشلة في السلطات فهيا مش سلطة اصلا)
نيجي للمفيد
أول حاجة غسلت اللحمة كويس ودي الصور
وبعدين ولعت النار وجبت الحلة اللي هعملها فيها وحطيت حتة سمنة روابي واول ما سخنت حطيت فيها فصين حبهان وحتة مستكة صغنونة و ورق لورا (حطيت 3 ورقات بس) وبعدين قلبتهم مش كتير عشان الحبهان مش يتحرق وروحت جبت اللحمة حطتها عليهم عشان تتشوح فيها وادي الصوv
تمام كده انا ما بحبش اضيف للشوربة بهارات عير كده والخضار بحط بصلة بس اول ما تغلي انما طبعا شوربة الخضار بتبقي غير بتحطي كرفس وانواع خضار كتيير
اما شوربة الأكل العادي مجرد ما تغلي بحط البصلة والملح اضافة للحاجات اللي حطتها تتشوح فيها وبس
وفي حاجة كمان انا بكون غلية المية وبجبها بصبها علطول فوق اللحمة وده عشان نتفادي الريم اللي بيطلع منها
وادي الصور بعد ما غليت وحطينا البصلة
ودي صورة
استنيها تغلي حبتين وحطي الملح (ودايما في اي حاجة مش تكتري الملح اوي لأن الملح لو قليل تقدري تزوديه انما لو كتير مش هتعرفي تقلليه)
غطي الشوربة بقا ووطي عليها عشان اللحمة تستوي وتابعيها لو محتاجة مية او حاجة ولما تخلص وتستوي اللحمة فيها اطفي عليها وتعالي للسبانخ
السبانخ تكون مامتك مقطعاها ومعاها الخضرة بتاعتها ومزبطاها وغسلهالك كويس اووي هههههههههههه اصل انا مامتي ربنا يبارك فيها هيا اللي كانت عملالهالي وانا عنتها في الفريز وبتبقا يا بنات زي الطازة بالزبط اهم حاجة تطلعيها من الفريزر ع النار علطول يعني ولا تخليها تفك ولا كلام من ده
نخش ع المفيد
جبت الحلة وحطتها ع النار وحطيت فيها معلقة زيت ومبشور بصلة وسبتها لما تصفر مش اوي بس يبقي لونها حلو
ودي الصورة
بعدين جبت السبانخ من الفريزر وحطتها فوقها وسيبها لحد ما ميتها تنشف بس تكوني متابعاها يعني لو متحاجة توطي عليها توطي لو محتاجة تعلي تعلي كده يعني
وادي الصورة
اول ما تنزل ميتها وتنشف منها المية هاتي عصير الطماطم اللي انتي محضراه وكوباية شوربة من شوربة اللحمة اللي انتي عملاها وهووووووووب
استنيها تغلي شوية وحطي الملح والفلفل بتاعك وزي ما قلنا في الملح مش تكتري وخاصة مع السبانخ
ودي الصورة بعد ما غليت واستوت حبتين خدت اللحمة من الشوربة وحطتها فيها
في هذه الأثناء انا بحضر للرز وطبعا مش محتاج تصوير لأنه رز ابيض بدون اضافات عادي يعني
لسة السبانخ ما خلصنهاش لو محتاجة شوربة مية بزود لها لو نقصت عن الطبيعي
بعد كده خلاص بقا استوت اوي واخدت طعم اللحمة وبقت تمام بس لسة بتغلي ها
حضري فصوص الثوم المفرية مع الكسبرة الناشفة وهاتي المقلاية حطي فيها حتة سمنة وقلبيهم فيها ع النار بس اوعي تحرقيهم معلش ما صورتهمش مخدتش بالي
خلاص بقيت تمام نحطها ع السبانخ وهيا بتغلي عشان نسمع تــششش ههههههه
نقلبهم كلهم سوا واللحمة وكله ونطفي عليها وادي الصورة
وده الشكل النهائـــي للسبانخ
نيجي بقا للشوربة بتاعتنا لتكونو نسيتوها طبعا شلنا منها اللحمة
هنولع عليها النار تاني وفي الأثناء دي هجيب مكرونة لسان العصفور وهحمر منها جزء في حتة سمنة واول ما الشوربة تغلي والمكرونة بقا لونها دهبي اقوم هوووب واسمعي تـششش هههههههه وهاتي كمان حبة مكرونة عادية مش متحمرة عشان يعملولك لونين بتبقي طعم وشكل ما شاء الله وسيبهم يغلو حبتين تلاتة ولما يكونو تلات اربع سوي كده اطفي عليها وغطيها عشان تديكي الطعم الحقيقي
شوفو كده شكلها وطعمها ماشاء الله تبارك الله
اخر طبق بقا بعد الرز طبعا هوا السلطة وانا ما بحبش السلطات ام خضروات ولا بعرفلها اصلا بس شوفو عملت ايه عشان يتقال اني عملت سلطة ههههههههههههه
جبت خسة وقطعت منها جزء وطماطمية عملتها شرائح مدورة
ورشيت عليها ملح وزيت زيتون وليمون
وادي الصور
وهنا بعد ما رشيت الملح وزيت الزيتون والليمون
ودي صورة النهاية واخدين بالكم مفيش معالق عشان اضمن محدش ياكل قبل ما اصور مليش حل هههههههههههههههههههههههههه
بلاش بقا تشوفو صورة ما بعد النهاية لأنها حاجة مأســاويـة أووووووووووووووووي ههههههههههههههههه
بنات لو عجبكم الموضوع واستاهل قيموووني ودعواتكم كده ربنا يهديني ويصلح حالي اللهم آمين مواضيع هذا القسم برعاية
يحلوا الوصال يحلوا الوصال 686824_2.gif فتكات هايلة Fatakat 686824 مدينة العجائب – مصر