تخطى إلى المحتوى

انتي هتلبسي النقاب ف الحر دا ؟!

  • بواسطة

السلام عليكم يابنات

عنوان الموضوع (انتي هتلبسي النقاب ف الحر دا ) دى بقت اكتر كلمة الايام دي بسمعها الايام دى

والسبب انى فرحي فاضله شهر وانا وخطيبي متفقين ان تاني يوم الفرح هبقى منتقبة ودا بالاقتناع مني ومنه هو كمان

بس المشكلة اني كل ما حد بيسمع انى هتنقب بيحاول يكرهني في النقاب

اللى تقولي انتي هبلة هتقضي شهر العسل بالنقاب وتخنقي نفسك ؟

واللي تقولي هتلبسي النقاب فى الحر هتتعبي جدا بيه

واللي تقولي كلمي خطيبك وقوليله انا لبسي محترم ومش هلبس النقاب !!

لدرجة اني قولت لواحدة انا حاطة النقاب فى دماغى من وانا صغيرة بس كنت مستنية انى اتجوز .. وكان ردها كسر فى دماغك دي ؟

والله يا بنات انا اصلا حابة النقاب ويوم ما روحت اشتريه كنت فرحانه بيه بس كلام الناس دا خلاني اخاف

بقا جوايا اه هلبس النقاب بس خايفة انه هيتعبني ويخليني مش عارفة اتنفس ويضعف النظر

مش عارفة ليه بدل ما الواحدة تقولي مبروك وربنا يثبتك ويهديكي تخوفني بالطريقة دي ؟!

انا كتبت هنا عشان كنت نفسي اسأل البنات المنقبات … هو انتوا تعبتوا فى النقاب فترة زي ما قالولى ولا كان عادى بالنسبالكوا

ادعولى ربنا يهديني ويثبتني ويحببني فى النقاب اكتر وكل حاجة تقرب لربنا

heba sattar heba sattar 750304_2.gif فتكات نشيطة Fatakat 750304 السويس – مصر

لقراءة ردود و اجابات الأعضاء على هذا الموضوع اضغط هناسبحان الله و بحمده

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.