انا عضوة جديده معاكم بتشرف بانضمامى ليكم
ومحتاجه تساعدونى بتجاربكم وارائكم ياريت متبخلوش عليا
انا عملت عملية الحقن المجهرى ثلاث مرات لكن الغريب
ان كل مرة مش بيتخصب غير هما جنينين فقط على الرغم من انه بيتسحب من 11 الى 15 بويضه
اول مرة محصلش حمل وتانى مرة حصل حمل ومجاش فيه نبض وقف على 6 اسابيع
وسالت الدكتور قالى مفيش سبب
وتالت مرة الدكتور عملى تحاليل وقالى عندى اجسام مضاده للغده الدرقيه اسم التحليل
-Anti-thyroid antibodies -Microsomal
Anti-thyroid antibodies-thyroglobulins-والتحليلين نتيجتهم ايجابيه
وقالى علاجها فيتامين اسمه سلينيوم وفيتامين اسمه اوكتاترون ِِ
وفعلا عملت العمليه وحصل حمل لكن مجاش فيه نبض وحصل اجهاض
والدكتور بيقولى مفيش سبب للاجهاض وانه ادانى العلاج الازم للاجسام المضاده
بجد انا تعبت ومش عارفه اعمل ايه انا قرات ان الاجسام المضاده ليها علاج كورتيزون
ياريت تفيدونى بارائكم وتجاربكم ,أنا محتاجه دكتور مناعه يكون كويس وكمان دكتور وراثه يقولى اعمل ايه
وكمان عاوزة اطمن على باقى تحاليل الاجهاض زى الفيروسات والكروموسومات
وأى تحليل بيتعمل للاجهاض المتكرر,أنا متشكرة ليكم جدا واتمنى انكم متبخلوش عليا بالرد والدعاء
يارب هب لى الذريه الصالحه يارب هب لى الذريه الصالحه فتكات جديدة Fatakat 1210179 القاهرة – مصر
سبحان الله و بحمده