السلام عليكم ورحمة الله وبركاته
ايوة زي العنوان مابيقول انا حامل في الاسبوع الاول بس عاوزة اربيه وهو لسه في رحمي
حكاية سمعتها من زمان ومش قادرة انساها ومبتروحش من بالي
كان فيه ام وهي حامل من اول يوم كانت كل يوم تقرا 5 اجزاء من القران ابنها حفظ القران كاملا وهو عنده 5 سنين
وام تانية وهي حامل كانت مبتبطلش تشغل القران علي طول فاتحاه علي الكمبيوتر ابنها كان ليه مع القران برضه شان عجيب بيمووت فيه من وهو صغير وبيستمع ليه كويس اوي وبيرتاح جدا لما يسمعه وكانت بتحكي علي ابنها وهي مبسوطة
طيب لو انا بقي بسمع اغاني ياتري ابني هيبقي عامل ازاي
طيب لو مش بصلي في معادي وباخر الصلاة طيب لو مش بصلي اصلا
طيب لو بشتم لو بزعق لو بغتاب حد لوبتخانق مع جوزي اكيييييييييييييييد كل ده هياثر علي ابني
اللي استفدته ان انا اقدر اربي ابني من اول يوم حملته فيه لما يحس بيه وانا بقوم وهو في رحمي عشان اصلي الفجر وانا بطبطب عليه كده وبقرا قران وبقوله سامع ياروح ماما اجمل كلام في كل الدنيا هو ده دستورك وقانونك اللي هتعيش بيه في الدنيا
انا عملت الموضوع ده عشان انا عارفة ان الحوامل والامهات اللي هيموتوا من الفرح زيي عشان اخبرا حلمي اتحقق وهاجيب طفل اكيد بيفكروا زيي نفسهم يكون الطفل ده احسن انسان في الدنيا
طيب مش ده هييجي بالتربية السليمة
يعني ايييييييييييييييه؟؟؟؟؟
يعني لما يشرف اقعد اشخط وانطر فيه علي حاجات انا ممكن اغلط فيها
طيب ماهي دي فرصتي اربي نفسي معاه احافظ علي مواعيد الصلاة علي الفجر وركعتين قيام علي وردي من القران علي عدم سماع الاغني علي مسك لساني من الكلام علي حد علي حبي لزوجي والمودة والرحمة اللي بينا علي القراءة اليومية بلاش الصيام عشان منجيش عليه اكتر من كده
انا نفسي تشاركوني ونبتدي مع بعض مفيش اكتر من الحوامل في المنتدي
ارجوكم يلا نربي ولادنا واللي عندها فكرة تقولهالي ونستفيد مع بعض
هااااااااااااااه ياتري هتردوا عليه بافكاركم ومشاركاتكم
عموما حتي لو مارديتوش انا برضه هاعمل كده بس نفسي نجتمع ع الخير زي مابستفيد منكم انتم كمان تستفيدوا معايا
مستنية المشاركات وهاقولكم يوم بيوم ان شاء الله ع اللي بعمله عشان صفوان نور عين ماما
سلاااااااااااااااااااااااااااااااام
بسبوسة حياتي بسبوسة حياتي فتكات رائعة Fatakat 694041 الرياض – السعودية