ازيكو ياقمرات انا اول مره اسجل او اكتب حاجه هنا بس كنت بتفرج كتير علمواضيع وعلمعلومات المفيده اللي بتقدموها وقريت عن دكاتره التخسيس اللي كنتوا بتكلمو عنهم ولقيت ان في واحده اسمها نانسي عبد السيد اللي فعياده ماري جرجس وبتعمل الميزوثيرابي دي اللي انا استقريت عليها من كلامكم وقررت اروحلها ويارب تجيب معايا نتيجه انا مش تخينه انا عيبي بس عندي شويه بطن وجوانب دول اللي مدايقيني غير كده جسمي كويس فقررت اعمل الميزوثيرابي عندها كلمت العياده اللي خدت رقمها من الدليل وقالو اني لازم احجز الاول ومينفعش فلتليفون لازم اروح فروحت وحجزت والكشف لاول مره ب 25 جنيه ودخلت الدكتوره واديتني رجيم حلو امشي عليه وخدت حقنه ميزوثيرابي فبطني والحقنه ب 250 وعايزه اقول معلومه الحقنه بتتاخد بمساحه معينه يعني حته من البطن زي مثلا المعده او البطن اللي تحت مش كل الحته وده عشان تجيب مفعول كويس فعلا بس في من الدكاتره بيقولو ينفع عشان ميطفشوكمش بس الدكتوره فهمتني ان لما اخد الحقنه كلها فحته المعده حتجيب مفعول كويس انما لو وزعتها ممكن متعملش حاجه المهم خدت الحقنه فمعدتي وشوفت واحده بتاخدها قبلي خوفت اوي شكلها يخوف المهم لما جت تعملهالي رشت بنج وبعدين ادتني الحقنه والله والله والله انا ماحسيتش بألم الا شكه بسيييييييييطه يعني حتى وجعها ميخلكيش تغمضي عينك بسيطه اوي بجد انا اصلا بخاااااااااف من الحقن بس بجد اتبسط انها مش بتوجع والبنج بتاعها كويس اوي المهم رشت بعدها على مكان الحقنه عشان تعقمو وقالت لما يروح تأثير البنج ممكن توجعك شويه كأنها كدمه وحتعمل لون ازرق وكده وقالت ممكن تاخدي مسكن وان الوجع ده النهارده بس انا مشيت ووالله محسيتش بيها اصلا لما بضغط عليها بس بحس بوجع كدمه خفيفففففففف وفنفس اليوم روحت الجيم
وعادي دي اول حقنه وانشاء الله ححكيلكم كا حاجه بلتفصيل ولو عايزين الدايت اللي خدتو ممكن اكتبهولكو والصراحه الدكتوره دي بجد صريحه اوي وكلامها يخليكي تفهمي الحقيقه بالزبط حتى لو تدايق انا لما عرفت ان الحقنه لحته صغيره قولت حيكلف بقى بس ارتحت انها صريحه ومدفعتنيش وخلاص وعرفت ححتاج ايه وكل حاجه ويارب فعلا تجيب نتيجه واللي عايز اي معلومه انا مستعده انا حاطه الموضوع عشان الكل يستفاد عشان انا كان طالع عيني فلنت بدور اخس ازاي ومين الدكتور الكويس فقولت احط تجربتي عشان يارب لو استفدت اساعدكو انا رحت السبت اللي فات 27-9 ودي روابط الانظمة اللي اتبعتها الاسبوع الاول رجيم الدكتوره نانسي عبد السيد (1)
الاسبوع التاني
رجيم الدكتوره نانسي عبد السيد (1)
موضوعات اخري مهمه ذات صله
الميزوثيرابي(كل اللي عوزه تعرفيه هتلاقيه )فيديو للدكتور ايمن البدراوي
ماذا تعرفين عن الميزوثيرابي الميزوثيرابى مش غالى ميزوثيرابي للتخلص من الدهون عملت ميزوثيرابي بجد.. هحكلكم التفاصيل ميزوثيرابي بس للشعر
flowers_love flowers_love فتكات رائعة Fatakat 164614 cairo – egypt