صباح الخير يا فتوكات
امبارح جوزي طلب مني اعمله منسف وانا مكنتش اعرف بيتعمل ازاي وقعدت ادور وادور لغايه لما جبت الطريقه وعملته وبجد طلع لذيذ جداااا انصحكم تجربوه من باب التغيير انا هوريكوا صورتوا وبعدين اشرح الطريقه
المكونات
لحم غنم ده شرط اساسي
رز بسمتي او مصري
كركم اساسي
هو له عيش مخصوص لاننا عايشين في الخليج فمتوفر عادي ممكن نستعمل مكانه اي عيش رقيق
اللبن … علبه كريمه حامضه وعلبه لبنه تركي وعبوه لبن رايب وملح وفلفل ومكعب مرق
الطريقه
انا سلقت اللحمه عادي جدا وبعدين اخدت الشوربه بتاعتها وضفت عليها كركم وطبخت بيها الرز
وبعدين شلت اللحمه من الشوربه وشوحتها في سمنه وعليها رشه كركم
اللبن بقي بنخلط كل المكونات دي في الخلاط وبعدين نحطهم في حله على النار مع شويه شوربه ياخدوا غلوه
في صنيه التقديم بقي بنحط العيش الاول وبعدين نسقيه شويه من اللبن ده وهو سخن وبعدين الرز وبعدين اللحمه ونحطله مكسرات على الوش
بس كده وبالهنا والشفا مواضيع هذا القسم برعاية
rana 7bebty rana 7bebty فتكات متميزة Fatakat 817795 القاهره – مصر