صباح الخير ع احلى بنات
انا كنت قلتلكو المره اللى فاتت اننا هنغير النظام بتاعنا يوم التلات
عايزه افرحكو الاول انا وزنت نفسى امبارح ولقتنى زدت 2 كيلو
من يوم التلات ليوم الاحد
ده معناه طبعا ان البليله والعجوه جابو نتيجه كويسه
عشان البنات اللى بتدلع وبتقول انا مبحبش ده وده
بالله عليكو كل واحده تابعت معايا من الاسبوع اللى فات تدخل وتقولى هى زادت ولا ايه
ندخل ف المهم بقى
الاسبوع ده هنعمل زى الاسبوع اللى فات بالظبط بردو هناخد ترايكتين حبتين ف اليوم
وجروث فورميلا مرتين ف اليوم
وهناكل ضعف وجبتنا ف الفطار والغدا والعشا
بس المره دى هنغير البليله والعجوه عشان اللى زهقو منها
بصى ياستى
الاسبوع ده هنجيب برجر وبطاطس
هتشترى 2 كيس برجر + 2 كيلو بطاطس +5 جنيه عيش شامى
طبعا الكميه دى هتشليها عندك هتحطى البرجر والعيش الشامى ف الفريزر
عشان مش كل شويه تنزلى تشترى عيش
البطاطس والبرجر دول هتخلصيهم ف الاسبوع بتاعنا
وياسلام لو كل يوم قبل النوم تاكلى منهم والاحسن لو حطيتى عليهم جبنه
المهم الكميه دى تخلصيها زى ماتحبى بس ف خلال 7 ايام
عشان انشاء الله هنوزن يوم التلات الجاى
ادعو ربنا ينفخ ف صورتنا يابنات انا عن نفسى متفائله وانتو قلولى متفائلين
ولا ……………؟؟؟؟؟؟؟؟؟؟؟؟؟
devdas devdas فتكات جديدة Fatakat 419660 الاسكندريه – مصر
سبحان الله و بحمده