السلام عليكم ورحمة الله وبركاته
انا عافة انه جميل و انكم مستمتعين صح !!
اكيد صح برافو يا بنات
_______________________
دلوقتي بقي بعد ما عملنا جدول استبصار النفس و بقيتي انتي الدكتورة النفسية بتاعتك
عارفة ايه الي مضايقها و بتحله عن طريق المعرفة و القراية
محتاجة بقي تدلعي شوية ما مش كله نظري نظري كدا
طيب كل واحدة مستنية جوزها يدعلها و الي مستنية مش عارفة مين و هيصة بقي
لااااااا انسي محدش هيعبرك
لا مش علشان الناس وحشين لا هما حلوين بس ممكن تكوني مستنية حاجة من حد
وهو مثلا مش فاضي و الحد دا فعلامش بيتاخر عليكي تروحي زعلانة
مع انه مش قاصده
او لو قصده بلا ملناش دعوة احنا هيبقي عندنا حسن ظن مهما كان الي قدامي
طيب الحل ايه !!!!!
__________________________
الحل تستنيها من حد معاكي 24 ساعة و قريب منك وفاهمك و ممكن يديكي اي حاجة في الدنيا
مين
ربنا سبحانة و تعالي
انتي كل الي هتعمليه انك هتبقي ملكة مع الناس و عبده لله وحده فقط
طيب ازاي نعمل كدا !!!
هتكوني عبده لله
1_ اي عمل تعمليه اخلصي نيتك لله اقرأي الي جاي دا
من الحديث
يقول صلي الله عليه و سلم ( إن الله قال أنا أغني الشركاء عن الشرك ,. من عمل عملا أشرك فيه معي غيري تركته و شركه ) حديث قدسي صحيح .
و من أراد إخلاص النية و استحضارها دائما فعليه ب
1 – معرفة قدر الله 2 – معرفة قدر نفسه
و في جزء خطير جاي
جاء في حديث أبو هريرة رضي الله عنه قال : سمعت رسول الله صلى الله عليه وسلَم يقول : ( إنَّ أول الناس يُقضى يوم القيامة عليه رجلٌ اُستشهد فأُتي به فعرَّفه نعمته فعرفها ، قال : فما عملت فيها ؟! قال : قاتلت فيك حتى اُستشهدت ، قال : كذبت ، ولكنك قاتلت ليقال جرئ و لقد قيل ، ثم أُمر به فسحب على وجهه حتى أُلقي في النار ..
وآخر تعلَّم العلم وعلَّمه ، وقرأ القرآن . فأُتي به فعرَّفه الله بنعمته عليه فعرفها ، قال : فما عملت ؟! قال : تعلَّمت العلم وعلَّمته وقرأت فيك القرآن ، قال : كذبت .ولكن تعلَّمت ليقال عالم و قارئ و قد قيل ، ثم يؤمر به فيُسحب على وجهه في النار فيُلقى فيها والعياذ بالله.
وآخر وسَّع الله عليه وأعطاه من صنوف المال. فأُتي به فعرَّفه الله نعمه عليه فعرفها ، قال : فما عملت فيها ، ألا أنفقت فيها ؟!، قال : ما تركت من سبيل تحبُّ أن يُنفق فيها لك إلا أنفقت فيه ، قال : كذبت ، ولكنك فعلت ليقال جواد وقد قيل ، ثم أُمر به فسُحب على وجهه حتى أُلقي في النار )
إنه الإخلاص الذي يجعل للأعمال قيمة عند الله تبارك وتعالى ، فلا إنفاق، ولا استشهاد ، ولا قراءة قرآن … إلا بالإخلاص لله ربِّ العالمين
من الاخر كدا ملقيش بعد كدا واحدة تقولي انا بعمل كل حاجة لجوزي ومش عاجب
انتي بتعملي علشان جوزك يرضي ولا ربك !!
لو اقتنعتي بالكلام دا هتبقي حليتي 99 % من مشاكلك مع الناس عموما
انا اديت مثال قيسي علي دا كل مشاكلك و كل واحدة ادري بنفسها و مشاكلها
و اقرأي اكتر في الدين تعرفي اكتر
انا بحب اقرأ في كتب الشعراوي و اسمع تفسيره اقرأي و فكري في الكلام هترتاحي جداااا
لان بتشيلي الافكار السلبية و تحطي افكار ايجابية تديكي احاسيس ايجابية
_____________________________________
تاني جزء هنتكلم فيه ازاي تكوني ملكة
انتي هتكوني ملكة من جواكي ايه بقي صفات اللملكة دي
الملكة دي
1_ تقدر تعتمد علي ربها و نفسها
اي مشكلة بدور و تستشير اهل الذكر زي ما ربنا ما قال
2_ الملكة دي بتعامل الناس كويس جداااااااا مهما كان الشخص الي ادامها
3_ الملكة بتبقي شخصيتها قوية في الحق
واخدين بالكم علشان متجيش في باطل و تعندي انتي ملكة مع الناس باخلاقك و مبادئك و عبدة و ضعيفة ادام ربك بس
4_ الملكة راقية في فكرها ديما بتفكر في الجديد يعني واحدة ملكة في بيتها تتعلم حاجات جديدة علشان تخلي مكانها مملكة تليق بيها
و تهتم بجاملها و تبرزه ادام محارمها علشان هي بتقدر نفسها
5_ قوة الملكة في انها متظلمش حد تدي الناس حقها و تؤدي واجباتها باتقان و متجيش علي نفسها
اياكي و ظلم نفسك و انتي ادراي ازاي ممكن تظلمي نفسيك
6_ الملكة في مملكتها لو في مشكلة حصلت في المملكة مثلا مواسير الميه فرقعت
شفتي ملكة يحصلها كدا تعد تعيط و تولول !!!!
ولا بتجيب المستشارين و تشوف هتعمل ايه و تحط حلول
هو دا بقي مربط الفرس زي ما بيقولوا
لو الناس بتقول عليكي نكدية ومش معتمدة علي نفسك يبقي انتي زي الملكة الي لما المواسير فرقعت اعدتت تولول
بس لو انتي ملكة و مسيطرة علي امور مملكتك هتلجأي لربك و مستشارينك (( اهل الذكر)) تقرأي و تعرفي و تتعلمي
حبي نفسك قدري نفسك
اعملي كدا بس و شوفي الناس هتتعامل معاكي ازاي
لما الناس تشوف ان انتي ملكة قوية ومملكتك جميلة و انتي جميلة و حياتك وردية
قوليلي مين الي هيفكر يعكنن عليها او يضايقها !!!
لو عملتي كدا هتبقي واثقة في نفسك اكتر الناس هيعاملوكي كأنك ملكة بحق
و الملكة لما حد بيضايقها بتسامح علشان هي اعلي مستوي من انها تنزل ترد شتيمة او غدر
يا رب اكون افدتكم الكلام محتاج تركيز و تغيري حياتك و تكوني ملكة نفسك
Reham TM Reham TM 1006169_1.gif ممنوعة من المشاركة Fatakat 1006169 Gizaa – Egypt