السلام عليكم يابنات انا مش هاخد من وقتكوا كتير انا كنت فيوم من الايام من المتاخرات في الانجاب بدون سبب ولفيت علي دكاترة الدنيااااااا وفلوس هنا وتحاليل هنا وعلاج غلط هنا لما تعبت بجد…اكتر من سنه دايخة ومش لاقيه حاجة مقنعة وبعمل اللي بيقولهولي الدكاترة والناس بالملي اتابع اخد منشط واتابع تبويض ويحصل جماع وانام علي ضهري بالساعتين وتحتي مخدة وكلللللل الكلام اللي انتوا اكيد عارفينه وفي الاخر الاقي الهانم تشرف ونعيد الجدول من اوله
لحد ماربنا كرمني بدكتورة قالتلي حاجة تافهة جداااااااااااااااااااااااااااااااااااااااااااااااا اا بجد كانت السبب بعد ارادة ربنا في حملي في نفس الشهر والله العظيم
قبل ماقولكوا عليها عايزة منكم دعوة ولو بقلبك ان ربنا يولني اللي بتمناه ويرضي عني
الدكتورة كشفت عليا نسا وقالتلي بمنتهي البساطة ان الرحم عندي مقلوب وفي حالات كتير زيي بس مش عارفين عشان ماتشخصوش صح بمعني ان الرحم الطبيعي بيبقي مايل لقدام انا الرحم عندي مايل لورا فانا ماينفعش خالص بعد الجماع انام علي ضهري انا كدة بقفل الرحم المفروض انام علي بطني وساجدة شوية اكيد فاهمين وبرضه دة يكون وضع الجماع………اخخخخخخخخ يعني انا بقالي سنه بقفل رحمي ومفيش حاجة بتدخل جوة اصلا بجد اتصدمت وفعلا عملت اللي قالتهولي ومن فضل ربي حملت نفس الشهر
القصد من كلامي ايه؟؟؟؟؟؟؟ان مش اي حد يقولك اي حاجة تبقي صح لاء طبعا كل واحدة غير التانيه وكل واحدة جسمها مختلف عن التانية ممكن تكوني بتقولي نصيحة وقصدك خير وتضري بيها اللي قدامك…ومش كل واحدة مش لاقيه سبب لتأخر الحمل يبقي فعلا مفيش سبب اه في حالات كدة لكن الاكتر بيبقي ان مفيش دكتور عارف يشخص صح
يارب اكون فيدتكم بكلامي ومش طالبه منكم غير الدعوة الحلوة
moonlight_8468 moonlight_8468 426412_1.gif فتكات رائعة Fatakat 426412 جوة قلب جوزى حبيب قلبى – مصر