السلام عليكم ورحمة الله وبركاته
ازيكو يا فتاتيك وحشتووووووووووووووني
بصوا بقي انا النهردة جايبالكو طريقة عمل الفراخ او الدجاج بطريقة مختلفة عشان اللي زهق منه زي
بصي هاتجيبي فرخة متوسطة وتغسليها بالملح بعدين الدقيق وتشطفيها وبعدين اديها غسله كمان بلمونة بتقسميها نصفين وتعصريها عليها وتقلبي النصين بعد العصر وتمسحيها كويس من كل حتة (العصر اللي هو عصر الليمونة يعني مش بعد ماتصلي
وبحتين تحطيها من غير ماية في الحلة الناشفة ومعاها بصلاية مقطعة قطع كبيرة
وبهارات وملح وفلفل ونقطة زيت وشوحيها بقي مع هز الوز قصدي الحلة
وبعد ماتتشوح كويس تحطي عليها ماية غالياها في البويلر بتاع الميه لحد ماتتغطي
عشان الدنيا برد
وادي الفرخة بعد ماتشوهت قصدي استوت نص سوا
وتحطي في الكبة 2 حبة طماطم مع عصير نص برتقالة مع بابريكا ملح وفلفل وبهارات فراخ
وتضربيهم جامد جامد جامد لحد مايحرمو
وتغطي الفراخ من برا ومن جوا ومن تحت الجلد وتغطيها بالصينية بوق فويل
وتحطيها في الفرن علي الشبكة
وتولعي الفرن من تحت
لحد ماتحمر بقي هانحضر حاجة عشان تتحط في طبق التقديم مع الفراخ الا وهي
كور البطاطس اد كور البينج بونج كده بصي ازي
1-هاتسلقي البطاطس اوي وتحطي مع مية السلق ملح
2-بعد ماتتسلق تصفيها خااااااالص من المية وتحطي عليها
بقدونس مقطع ولبن نيدو اد معلقتين وملح وفلفل اسود وبهارات وكمون وبابريكا
وربدة طرية عشان تسيح معاها من السخونية
وتفضلي تهرسي فيها مع التقليب المستمر عشان تبرد وتتهرس في نفس ذات الوقت
وبحتين تكوريها كور كور اد كور البينج بونج زي ماقولنا
وده شكلها وهي كور
وبعدين تغطيها في بقسماط وتقليها في ويت زي البطاطس المحمرة بالظبط
بس براحة عليها عشان بتوكن طرية اوي
وبعدين تطلعي الفرخة بعد ماستوت واتحمر كمان من كل الجوانب مانتي كل شوية بتفتحي تقلبيها علي جنب
وتحطيها في طبق التقديم وتوزعي حواليها كور البطاطس المحمرة
طبعا انا سبت شوية من غير تحمير عشان عاملة دايت
وتزعي عليها بقدونس من فووووق
وعملت معاها ايه بقي يا حلوين شوربة لسان عصفور بشوربة الفرخة كانت تجنن
اصلي ماحمرتهاش في سمنة حطيت لسان العصفرو نااااااااااشف خاااااااالص
في صنية وحطيتة في الفرن ولما احمر طلعته حطيته علي الشوربة
وهي بتغلي
يارب تكون الطريقة دي عجبتكو وتردو وتقيمو
والله اتلسعت 3 مرات وانا بصورلكو عارفين اللي مش هاتقيم وتدعيلي
مش هاعمل حاجة دانا بق وخلاااااااص
وده مني ليكو بحبكووووووووووووو
مواضيع هذا القسم برعاية
lola-pink flower lola-pink flower 408646_8.gif ممنوعة من المشاركة Fatakat 408646 المهندسين – مصر