السلام عليكم
الموضوع باختصار انا مجوزة من 10 شهور واول مره اخد حقنة تفجيريه … اخدت منشط اول الشهر كولوميد عشان حجم البويضات وبعد ماوصلت 20 الدكتورة كتبتلى حقنتين choriomon جرعة الحقنة الواحد 5000 المهم اخدتها وكنت كويسه وبعدها ب 3 ايام بالضبط حسيت بفجع في الاكل اكل وشبعانه وادور على اكل تانى واحس كأنى مبشبعش ورابع يوم حسيت العكس … سدة نفس ودوخةةةةةةةةةةةةةةةةةةةة رهيبةةةةةةةةةةة طول اليوم ودماغى مكنتش عليا وبعدها بيومين حسيت بألم في رجليا مكان الانكل كده … انا كان عندى تمزق اربطه في الانكل الشمال فرجلى من 4 سنين واتعالجت وبقيت كويسه جيت على 6 يوم تقريبا من الحقنة وانا الم الم الم لدرجه بمشي بعرج … ده طبعا غير الشكشكه في الصدر واحساسي ان الحلمة محتقنة زى ماتكون متجرحه ومبستحملش حتى الهدوم عليا …. ومغص في باطنى من الجنبين ومن تحت بس الحجات دى دايما تجيلي مع اقتراب الدوره انما اللى فات ده ايه سببه … ومن يومين دلوقتى وانا عندى زكام وانفلونزا مفاجئه .. امبارح كنت راجعه من الشغل وبتغدى ومفيش لامكيف ولا اى حاجه والجو حر اساسا ومستحمتش وبعد الغدا زورى بدأ يألمنى وبعدها بدأت احس بالرشح واخيرا بقى ودي الحاجه اللى تعبانى الاحلااااااااااام الكتيرةةةةة بحلم يجى 3 احلام مجرد مانام ….والغريبه انى بصحى فاكره تفاصيل التفاصيل
استفساري دلوقتى هو الاعراض المفروض تزيد ولا تقل مع الوقت … انا حاساها بتزيد و امتى الاعراض دى تروح النهارده اليوم العاشر من الحقنة ومين جرالها زى ونسيت كمان عندى احساس بالترجيع بيجيلي من وقت للتانى وده بدأ من يومين راخر
…. طمنونى انا قلقانه من الحقنة دى
همس الأيام همس الأيام فتكات هايلة Fatakat 805326 المدينة المنورة – السعودية