طبعا الموضوع باين من عنوانه
وانا حبيت اقدم اكله متواضعه كده على ادى ويمكن تفيد كتير
مننا ما بيعرفوش يعملو البصاره المصريه
المقادير
ربع كيلو فول مدشوش
كسبره خضراء
ملح فلفل بهارات شطه نعناع ناشف
بصل
ثوم
زيت
الطريقه
اول حاجه طبعا بننقى الفول كويس ونغسله ونحطه فى الحله
وعليه ميه كفايه للسلق
بعد كده بنغسل الكسبره ونحطها على الفول قبل السلق طبعا
بعد كده نولع عليهم النار ونسيبهم على نار هاديه لغايه
ما يبقى شكلهم كده
وطبعا هى كده بتكون استوت نسبها تبرد خالص وبعدين نضربها
فى الخلاط ونقطع البصل والتوم ونحمره فى الزيت
لغايه ما يبقى لونه ذهبى ونشيل شويه من التقليه دى على جنب
ونحط البصاره على باقى البصل والزيت
وطبعا نحط عليهم التوابل ونسيبها تغلى شويه صغيره
وبعد كده نغرفها فى اطباق ونرش باقى التقليه على الوش
وطبعا مش قادره اقولكم على الريحه والطعم
والف هنا مواضيع هذا القسم برعاية
عاشقه المطبخ عاشقه المطبخ فتكات ست الكل Fatakat 103396 القاهره – مصر