يافتاتيك كنت عايزه اسالكم عن البورت ايه رايكم فيه انا بفضله عن الكاريكوت انا شفت وحده شايله البيبى ف الكاريكوت كانها ماسكه شنطه سوق ف ايدها والبيبى كان مايل للجنب كدا وكمان لاقدر الله التكاتك والعجل والحجات دى ف الشارع كتير ازاى اشيل بنتى كدا ؟؟؟؟؟؟؟؟؟؟؟ فدا مخلينى كارهاه ففكرت ف البورت ولقيت نوعين واحد مبطن خفيف او مثلا قطيفه ودا لقيته 85 ج والتانى كان زى اللحاف الفايبر وبكباسين وحسيته منفوش وضخم كدا وكان تمنه 145 ج
ايه رايكم يافتوكات ؟؟؟؟؟؟؟؟ انا مردتش اجيبه غير لما اسالكم الاول
ماما لما شافت التقيل دا قالتلى لا هيبقا لبخه والبيبى هيبقا ملفوف بكوفرته وبعدين احطه ف البورت فقالتلى نجيب المبطن الخفيف او القطيفه دا
انتو رايكم ايه ف حكاية البورت دا
كمان انا اشتريت 6 سالوبيتات قطيفه اسعارهم بتبدى من 65 ج ل 90 ج
وعرفت ان فيه بيجامات وسالوبيتات رخيصه عن كدا ف حدود 20-40ج قلت ابقا اجيب لبنوتى كم وحده كدا
وجبت 6 غيار داخلى قطن صافى (الغيار عباره عن بنطلون فانله كت فانله نص فانله كم )
وعندى 3 بطاطين بس بصراحه مش جداد يعنى كانو موجودين ف البيت فقلت بلاش اشترى جديد واقضى بيهم انا هستخدم البطاطين ف البيت ايه رايكم ؟؟؟؟؟؟
وعندى كوفرته قطن بالكاب والشراب والجوانتى
وجبت 3 شرابات صوف او لكلوك ال عامل زى الشوز دا
انا لسه مكملتش حاجه فعايزاكم تقولولى الحجات الناقصه بالضبط
انا هجيب ان شاء الله 6 بافتات مبطنه بمشمع وبلزق مش رباط + رباط السره
وحجات الصيدليه هتقولولى عليها
اه صحيح بالمناسبه هو لازم البيبرونات والتتينه اجيب ال هى ب55ج والاسعار دى ولا ايه اصلى حاساها غاليه اوى انى اجيب بيبرونات بالاسعار دى
ع فكره انا بنوتى هتتولد ف شهر 12
شوفوا بقا اجيب ايه وفيدونى
وبالنسبه للوزن بتاع البيبى يكون كم ف اخر السابع
انا شفت هنا موضوع عن الوزن بس لقيت المفروض الوزن تقريبا ف اخر السابع 1319 جم تقريبا مش متزكره وانا كبر حجمه عن كدا يبقا من سكر الحمل بس انا عملت تحليل سكر والحمد لله مفيش سكر بس وزن البيبى ماشاء الله عدا ال2017جم دا حلو ولا وحش انا الدكتور مقليش حاجه قالى كله تمام بس المواضيع والكلام ال بشوفه بيخوفنى
يارب كملى حملى ع خير وحمل كل الحوامل وارزق كل مشتاقه ياااااااااااااااااااااااااااااااااااارب
sunshine_w sunshine_w 891697_1.gif فتكات متميزة Fatakat 891697 الغربية – مصر