السلام عليكم ورحمه الله وبركاته
انا قريت من يوم عن مسابقه اللازانيا قولت يابت مابدهاش بقي
شمري واستعدي
واهو نفسي اخد وسام جنب الاسكا يونسه في وحدته كده بدل ماهو وحيد
والله صعب عليا
ام هند بقي ياعني المهم قولت اعملهعا واعمل عجينتها كمان
انا تعبت فيها جامد هتصوتوا ياعني هتصوتوا بدل ما تصوتوا عليا
نبدأ بقي
بسم الله الرحمن الرحيم
المقادير للعجينه
2 كوب دقيق
2 بيضه
معلقه صغيرة ملح
نص معلقه صغيرة كمون
نص معلقه صغيرة فلفل اسود
معلقه كبيرة زيت
4 ملعقه كبيرة ماء
(ممكن نفرم سبانخ ونحطها معاها بس انا مكنش عني بقي )
وبعدين نحط المكونات في طبق او علي الرخامه انا بفضل الرخامه
وبعدين نعمل حفرة في النص ونحط الزيت والبيض والملح والكمون والفلفل
مش تزودي المايه لانها عجينه يابسه مش طريه
وتعجني فيها كتير وهتلين معاكي هيا هتقطع في الاول
بس اوعي تزودي مايه كل اما تعجني فيها زياده كل ما هتبقي كويسه
وبعدين نسيبها ترتاح نص ساعه ونجهز الحشو بقي
انا عملتها بلكبد والقوانص
والله انا كان عندي كبد وقوانص متعصجه وجاهزة في الفريزر بس قولت لازم انزل الخطوات خطوة خطوة
الحشوة
كبد وقوانص متقطعين صغير
اتنين بصله كبيرة متقطعه صغير
ملح وفلفل اسود وبهارات
معلقتين زيت ومعلقه زبده
الاول نسخن الزيت وبعدين نحط البصل واول اما يحمر نحط معلقه الزبده
وبعدين الكبد ولاقوانص واول اما تنزل مايتها نحط اربع معالق مايه كبيرة
ونوطي عليها ونسيبها تستوي
وبعدين نعمل صلصه البشاميل
كل معلقتين زبده معلقتين دقيق 2 كوب لبن
انا حطيت معلقتين زبده وقبل ما تسيح حطيت معلقتين زيت لحد اما لونه اصفر وبعدين حطيت اللبن وفضلت اقلب لحد اما تقل
ماكنش عندي غير لبن بودرة والجيش قالك اتصرف
وانا قولت المسابقه هتفوتني وماله لو عملت بللبن البودرة هيقول لا ياعني
وطلع تحفه وربنا وجميل جدااااااااا
نيجي بقي للصلصه الحمرا
الي هيا صلصه البيتزا الي عندها تستعمها
لاكن انا مش عندي والجيش قال ايــــه
شاطرين قال اتصرف
جبت انا ايه بقي
توم مدقوق ناعم
و2 معلقه زيت
1 معلقه كبيرة كاتشب
2 حبه طماطم مبشورين ( مش معصورين )
2 ملعقه كبيرة صلصه
ربع كوب ماء
فلفل اسود وملح
الاول نحط الزيت والتوم لحد اما يحمر وبعدين الطماطم المبشورة
وبعدين ندوب الصلصه في شويه المايه وبعدين الكاتشب وملح وفلفل اسود
ونسيبها تاخد غلوتين علي النار
نيجي بقي للازانيا
ناخد العجينه ونفردها علي دقيق ونشا
ولازم النشا يا جماعه علشان مش تزلق وتبقي زي المكرونه كده
وبعدين نبططها عليها كده
وبعدين نجيب مكنه لعيش علي اوسع درجه
وبعدين نديق علي الدرجه قبل الاخيرة
ياعني يكون مسك العجينه بتاعتنا 1 سم تقريبا
الي مش عندها مش مشكله طبعا
نفردها بالنشابه ب 1 سم فقط مش تخينه ياعني
دي وهيا علي رقم 1 الي هيا اوسع درجه
ولو طلعت مخرمه او فيها خرم اتنوا العجينه وافردوها تاني
بس الحمد لله مش خرمت معايا لان رشيت دقيق ونشا تحتيها
وبعدين نعملها علي اديق واحده او الي قبل الاخيرة
انا عملتها علي الي قبل الاخيرة
وكانت بالسمك ده
وبعدين نقطعها كده او اصغر زي ما تحبوا
بس انا حبيت اعملها جنب علشان الصنيه عندي مدورة مش مربعه
ونكون غاليين مايه وفيها معلقتين زيت ومعلقه ملح وفلفل اسود وكمون
ونسقط فيها الازنيا واحده واحده كده
وهتلايها طلعت علي لوش معني كده انها استوت
ركزوا المايه مغليه جامد
لو مش مغليه هتعجن منك
حطيها في المصفي وعليها مايه ساقعه
ونفردها كده بعدين عن بعضها علشان مش تلزق في بعضها
طعمها زي المكرونه بالظبط علي فكرة
يتبـــــــــــع
ماحدش يرد غير لما اكمل مواضيع هذا القسم برعاية
ايودا ايودا 71982_14.gif فتكات ست الكل Fatakat 71982 بلاد الله الواسعه – اي مكان مش لازم ياعني