السلام عليكم
انا عملت طريقة للكيما ودي اكلة هندية بس جميلة قوي واحنا صغيرين كنا في بلد عربي وكنا بنموت فيها وبنطلبها من بابا يجيبهالنا من المطعم الهندي وكان بيبقى معاها عيش عامل زي الفطير العراقي لو تعرفوه وممكن تتعمل سندويتشات بيها في الفطير ده
المقادير:
كيس بسلة
كيس لحمة مفرومة
طماطم
توم
بصل
2كيس صلصة
ملح
فلفل اسود
كمون
كزبرة ناشفة
الطريقة :
1-نحط شوية سمنة عالنار وعليها البصل لغاية مايدبل
2-نحط عليه التوم وبرضه لغاية مايدبل
3-نحط اللحمة المفرومة ونقلبها كل شوية
4-قرب السوا شوية نحط عليها الطماطم متقطعة صغير
5-لغاية ماتدبل الطماطم شوية ونحط الصلصة
6-وبعدين البسلة
7-ونلخبطهم ونقلبهم مع بعض
8-نضيف شوية ماية يادوب تغطي الوش وانا بعملها في الحلة البريستو (الضغط يعني) وسيبتها تستوي 5 او 7 دقايق
9-فتحت عليها وقسمتها عشان احرحرها ههههههههه وحطيت عليها شطة واديتها غلوة عالنار بسرعة وشيلتها
على فكرة ممكن الشطة تتحط مع البهارات في الاول بس انا عملت كدة عشان البنات عندي
واخيراااااا اتفضلوا الطبق ده
ودي صورة اقرب شايفين بتبقى متماسكة كدة يعني صلصتها اقل من الطبيخ العادي
يارب تعجبكم وبألف هنا وشفا مواضيع هذا القسم برعاية
ام البنات الصالحات ام البنات الصالحات 3550_4.gif فتكات رائعة Fatakat 3550 ارض الله – رحاب الله