ازيكم يا فتوكات
النهاردة جايبلكم وصفة من مطبخي المتواضع ، اقتصادية وسهلة ممكن تعمليها في أي يوم تفليتة وتتقدم معاها شوية سلطات
ويارب تعجبكم
الأكلة هي عبارة عن كفتة الأرز والعدس ،
المكونات عبارة عن : نصف كوب أرز ، نصف كوب عدس أصفر، قطع فراخ مقطعة صغيرة أو لحمة مفرومة فائضة من
وجبة سابقة، دقيق مبهر (مضاف عليه شوية بهارات حسب اللي انتي بتحبيه)، 2 بيضة، 2 ملعقة كبيرة لبن، ملح، فلح،
كركم، كاري، قرفة، ملعقة كبيرة سمن، زيت
الطريقة: بنخلط الأرز مع العدس ونطبخهم ذي الرز بالضبط لكن بنضيف مع الملح والفلف شوية كركم وكاري عشان الطعم
(وممكن انتي تحطي البهار اللي بتحبيه)، نكسر البيضتين ونضيف ليهم الملح والفلفل والكاري والقرفة واللبن وقطع اللحم أو
الفراخ المفرومة ، نحط كمية من الارز والعدس في خليط البيض لحد ما يصبح متماسك، نشكل قطع ذي الكفتة بالراحة عشان
الرز ما يفكش( يفضل ناخد قطعة مستطيلة بالملعقة عشان الارز ما يفكش من بعضه ) ونضعه في الدقيق المبهر ونغطيها
كويس بالدقيق وبعدين نساوي الصابع بعد ما يكون الدقيق مسكه كويس ونحط الصوابع دي في الفريزر حوالي نص ساعة كده
لحد ما تتماسك كويس، نطلعها ونقليها على كل وجه على نار متوسطة لمدة حوالي 3 دقائق أو لحد ما تتحمر
وبالهنا والشفا.
مواضيع هذا القسم برعاية
SANFORA SANFORA 745652_1.gif فتكات نشيطة Fatakat 745652 . – مصر