صباح الخير يا قمرات
كلنا طبعا عارفين انواع كتييير من الكشك
بس النهارده هقدم لكوا
كشك مختلف
الصعيدي الاوريجينال
كل تكاته وحركاته
ههههههههه
بسم الله نبدأ
المقادير:
4 كور كشك
نص كيلو طماطم
2بصلة
2 معلقة سمنة بلدي
3 معالق نشا
عيش بتاو او ممكن نستبدله بالشامي
ملح_فلفل اسود_شطة حمرا
شوربة دسمة اوي
ورق لور
الطريقة:
الاول نبل الكشك شوية
ده شكله للي مش يعرفه
وده بعد ما اتبل
بعد كده نجهز الصلصة
نشوح البصل في السمنة لحد ما تصفر
ونخلط الطماطم في الخلاط
ونضيفها على البصل
ونحطلها ملح وفلفل اسود وورق لور
ونسيبها على النار
وبعد كده نحط الشوربة على النار ونضيف ليها الكشك المبلول
وده الكشك فيه اهوو
ويغلي وطبعا الشوربة مملحة احنا هنضيف الفلفل الاسود والشطة الحمرا وخلاص
انا بحبه مشطشط ناااار
ونضيف شوية صلصة على الشوربة علشان لونه بيبقى بمبي شوية
اما نجهز الاكل هنضيفله النشا
هندوبه في شوية مية صغيرين ونضيفه ليه
المفروض يكون بعيش بتاو
ده عيش صعيدي او فلاحي
بس انا للاسف مش كان عندي
فاتصرفت زي الجيش ما قال وجبت كيسين عيش شامي وحمصتهم
ونبدأ نرص الطبق
اول حاجه هنحط العيش
وفوقه كبشتين كشك
واخر حاجه صلصة حسب الطلب
وده شكله النوهاااائي
اتفضلوا يالا بسم الله
ملحوظة:
*كمية النشا بتختلف على حسب النوع
لان في نوع الاقيه ياخد 3 معالق ونوع 5
بس هو قوامه يبقى زي المهلبية الخفيفة او قوام الكشك الالمظية
*طعم العيش البتاو اجمل من الشامي
*الصلصة بعد ما تتسبك كويس نضيف لها كبشة شوربة
مواضيع هذا القسم برعاية
رواء باهر رواء باهر 423098_27.gif Fatakat 423098 بورسعيد – مصر