ازيكم يا حبايبى وحشتوووووووونى
النهاردة عملت طبق خفيف وصحى من غير لا دهون ولا شحوم ولا صلصة
ينفع للى معدتهم تعبانة زى حلاتى كدة
وكمان اللى عاملين ريجيم برضو زى حلاتى كدة
المهم يا بنات هقولكم الطريقه
هتجيبى نصف كيلو كبدة متقطعه شرايح للشوا
وهتبليها بالتاتى
ملح وفصين توم وكمون وفلفل رومى
احنا هنحتاج معلقه واحدة ما الخليط دة بسسسسسسس
وهتقلبيهم على الكبدة كويس
وتقومى يا ستى مشغله الشوايه على طووووول
انا عندى شوايه سطحية بحبها اوى بصراحة
دى وهى لما حطيتها على الشوايه طبعا سيبيها شويه لما لونها يغير واقلبيها على الوش التانى
اهى لما اتقلبت على الوش التانى ولونها ابتدى يغير
خدى بالك هى مش بتقعد كتير على الشوايه زى اللحمة
وتكونى مجهزة طبق وغطا ولمون مقطع وملح وكمون
وتاخدى من الشوايه للطبق وتعصرى اللمون وترشي الملح والكمون وتغطيها فورا عشان تبقى طريه
ودى صورتها النهائية لما اتشوت خالص
وحمرت جنبها بطاطس وسلطة خضرا وطحينة ومخلل وبسسسسسسسس
ودة طبق لاول فتوكة هترد وتقييمنى
ملحوظة
ممكن تستغنى عن التتبيله وتشويها كدة على طول بتبقى رووووووعه اكتر واكتر
والوجبة دى تنفع للعشا الخفيف والغدا كمان
وللفطار لو عندكم اتنين زى حمادة وفوفة
ههههههههههههه
جربوها وقولولى رايكم ايه
مواضيع هذا القسم برعاية
لؤلؤة اليكساوية لؤلؤة اليكساوية 114579_4.gif فتكات ست الكل Fatakat 114579 الاسكندرية – مـــــــصـــــــر