اولا بشكر صاحبه الموضوع الاصلى اللى انا طبقته للاسف انا غير متذكره اسمها لاكن تقريبا العنوان كان فسيخ حماتى
انا طبعا متغربه باوربا والفسيخ محرومين منه هنا هو وحاجات كتير معفنه بنحبها ومانقدرش نستغنى عنها
الحمدلله بالصدفه شوفت موضوع العضوه جزاها الله خير
وبالصدفه بعد كام شهر لقيت سمكتين بورى وانا بشترى من محل اللحمه فقررت اشتريهم واخوض التجربه
نبتدى بالصور
اولا المقادير
سمك بورى
شطه
ملح
هاتجيبى السمك توقفيه على بوزو يوم كامل علشان يصفى السوائل اللى جواه
تانى يوم ها نخلط الشطه والملح ونملى بيهم الخياشيم كويس اووى زى مافى الصوره كده
هانجيب شنطع بلاستك ونرش فيها شويه ملح وشطه
ونضع السمكتين فى الشنطه عكس بعض ونقفل الشنطه عليهم
طبعا هانلفه فى شنطه جوا شنط انا عملت فوق السبع شنط وبعدين حطيتهم فى شنطه مشمع وخبيتهم فى دولاب المطبخ
زى ما العضوه كانت كاتبه سبيهم 3 ايام ماتجيش ناحيتهم فى اليوم الرابع ابدئى اقلبى اللفه كلها مره على الوش ده ومره على الوش الاخر وفى اليوم 15 افتحيه بقى وبالهنا والشفا
مش عايزه اقولكم كان تحفه اسيبكم مع الصور
بالهنا والشفا مواضيع هذا القسم برعاية
دودو قلب جوزها دودو قلب جوزها 289516_31.gif فتكات رائعة Fatakat 289516 مدينه الاحلام الوهميه – deutschland