ازيكم يا فتوكاتى ياحبايب قلبى
جيبالكم انهردة طريقة عمل السمك الفيليه السنجارى
كونا معزومين على سمك عند واحد صاحب جوزى
ومراته بصراحة شاطرة قوى قوى فى الاسماك وكانت عامله الفيليه السنجارى
بجد كان طعمه تحفة وسألتها عن الطريقة قالتلى عليها قولت اما اجى اقولها لفتوكاتى حبايبى
بصو بقا يابنات
المقادير :
-كيلو سمك فيليه
تتبليه بس من غير تقطيع تبقا شريحة السمك كده
زى ما بتطلعيها من الكيس تغسليها وتتبليها
(التتبيله) هتجيبى توم وماستردة وليمون وبشر ليمون وملح وفلفل وكمون وكزبرة خضرا
التتبيله دى هنتبل بيها شرايح السمك
– بصلة كبيرة
– 2 طماطم
-فلفل حامى او رومى
-كرفس
-بقدونس
-كسبرة خضرا
الطريقة :
طريقتها سهلة جدا
الاول هنجيب طاسه فيها زيت ونقطع البصلة ناعم
ونشوحها شويه فى الزيت بس تدبل مش عاوزين نحمرها
اول ماتدبل ننزل بالفلفل وبعد كده ننزل بالطماطم والكرفس والكسبرة والبقدونس فى الاخر
علشان الطماطم متتهريش ونسيبهم شويه بس يدبلو ونطفى النار
وبعد كده نعصر على الخلطة دى ليمون وطبعا هتبليها بملح وفلفل
وكسبرة ناشفة وكمون هتجيبى بقا شريحة السمك اللى تبلتيها
وتحطيها فى صينيه والافضل تكون الصينيه تيفال ولو مش عندك
صينيه تيفال ممكن تحطى ورق فويل على الصينيه وتحطى عليه السمك
علشان ميلزقش وتجيبى الخلطة اللى عملناها الجميلة دى وتحطيها على شريحة السمك
وتدخليها الفرن لحد ما تستوى وممكن تعملى جمبها رز احمر او رز بالجمبرى
وبجد طعمها بيبقا تحفففففففففة
وبالف هنا وشفا عليكم ياقمرات مواضيع هذا القسم برعاية
koki_85 koki_85 فتكات هايلة Fatakat 896796 luxor – egypt
سبحان الله و بحمده