السلام عليكم يا فتوكات
السردين من أكثر الاغذيه المغذيه وبموت فالسردين
المعلب بشترى العلبه ب 5 ريال تقريبا على العلم
إن الكيلو ب 4 ريال وممكن ب 3 ريال
ملقتش طريقه على النت مناسبه كله لازم حلة
ضغط فأختى قالتلى على الطريقه دى وطلعت حلوه اوى
المكونات:نصف كيلو سردين-3 ليمونه-نصف كوب زيت-نصف كوب ماء رشة ملح وكمون
ملحوظه:*ممكن تضيفى فصوص ثوم وممكن شطه لو عوزاها حراقه
*خلى بالك الليمون بيحدقها فالملح قليل جدا
*أنا عملت نصف كيلو للتجربه أعملى أنتى كيلو عشان يبقى كميه
وبيفضل فالتلاجه حوالى أسبوعين
الطريقه:
-ننضف السردين من القشور والبطن ونقطع الذيل والراس وننقعه فمايه وخل أو ليمون
أو أغسليه زى ما أنتى متعدوده
-لو عندك قدرة الفول أعملى فيها لو معندكيش يبقى فحله على قد السردين
ويكون غطاها محكم وانا ولا عندى دا ولا دا فقفلتها بورق فويل عشان تكون محمكه
نضع كل المكونات اللى قلتها مع بعض فالحله
وبعدين نغطيها ونحطها على العين الصغيره
نسيب العين عاليه لحد ما نسمعها بتغلى نوطى لفوق ونسيبها حوالى ساعه
وربع وممكن تفتحى عليها بعد الساعه وربع او ساعه تشوفى لو فيها مايه سبيها كمان شويه
لو المايه نشفت ولسه مطريش اوى حطى شويه مايه وسبيه كمان شويه ودا شكله لما المايه بتنشف
اللى فيها دا زيت مش مايه وكمان حطيت مع السردين البطروخ اللى كان فيه
بس لو كان أستوى اكتر كان هيبقى أحلى عشان الشوك يتهرى اكتر مع السردين
نسيبه يبرد ونحطو في برطمان زجاج فالثلاجه وبالهنا والشفا
طعمه حلو جدا جدا جدا ويارب يعجبكم ومتنسوش التقيم مواضيع هذا القسم برعاية
روجااااااا روجااااااا 82105_2.gif فتكات هايلة Fatakat 82105 الرياض – السعوديه