السلام عليكم ورحمة الله وبركاته
كنت قلتلكوا قبل كدة انى معرضة لولاده مبكرة وجالى حاجه اسمها قصر عنق الرحم
المهم دلوقتى الاعراض بتاعة التقل وكإن حاجه بتقع منى كل دى لسة بتجيلي
لكن برتاح قد ما اقدر وماشية على البرشام
وكمان الجديد الألم رهييييب فى ضهرى وجنابي وبطنى بتبقى محجرة كده وكل ده بيوجعنى مع بعضه
الحمدلله على كل حال
لكن فى حاجات عاوزة اعرف منكوا هل هى طبيعية ولا ايه خصوصا انى لسة بادئة التامن بقالى يوم
اولا جمبي بحس فيه حاجه مغروسة كده وطبعا عاملالى وجع مش بنام بسببه
والخبط بتاع البيبي بقا فى جمبى من ورا شوية وبيووووجع جدا
قالولى عادى عشان عضمه بينشف وده هيوجعك وكده
تانى حاجه لما بنام على ضهرى او حتى وانا واقفة
الاقى سرتى كده بالجزء اللى حواليها من بطنى داخل لجوة غويط كده
وساعات مسطحه خالص مش عاملة شكل مدور يعنى
واللى حواليها طالع يعنى بطنى بيبقى شكلها مرررربع مش مدور
تالت حاجه بقالى فترة بحس فى اخر بطنى من تحت خالص بنبض منتظم بس قوى
لدرجه مابعرفش انام منه خااالص والنبض ده شغال وبيقعد فترة حوالى نص ساعه مثلا
يا ترى ده عادى ولا غلط ولا ليه علاقة بضخ الدم والاكسجين والكلام ده ؟؟
معلش طولت عليكوا بس بالله عليكوا فيدونى لانى مكسوفة اسأل الدكتور وتطلع حاجات عادية وهايفة وف نفس الوقت خايفة تكون حاجات غلط وانا ماعرفش ف لو كده اروحله بكرة ان شاء الله خصوصا زى ماقلتلكوا عندى قلق بالنسبة للولاده المبكرة لا قدر الله .. وربنا يخليكوا يااارب
nOur nOur 779913_1.gif فتكات هايلة Fatakat 779913 القاهرة – مصر