السلام عليكم
ازيكم يا قمرات
و كل سنه و انتم طيبين
عملت زيتون اخضر و زيتون اسود واااااااااااو
مقلكوش كل اللى داقه افتكره جاهز و خصوصا الاسود
من غير رغى كتير نبدا بسم الله
المقادير
2 كيلو زيتون اخضر تفاحى
12 كيلو جزر مبشور
34 كيلو ليمون معصور و نشيل القسر عشان حنحتاجه
14 كيلو فلفل اخضر حامى
حزمة كرفس مخرطة
راس ثوم مهروسة بالقشر بتاعها مفيش مشكلة
1 كوب زيت طعام و الافضل لو زيت زيتون
ملح و ميه للتخليل حسب الرغبة
الطريقة
اولا حنجيب الزيتون التفاحى و ده نوعه بيبقى شكل التفاح كده النوع ده حلو و مش بياخد وقت كتير فى التخليل و بيبقى لونه جميل جدا و صفاره حلو زى الكهرمان
لان فيه نوع اسمه العزيزى بتبقى الزيتونة مطاولة شويه و بتاخد وقت فى التخليل اكتر من التفاحى و بتبقى اغمق بعد التخليل
حنغسله و نشقه بالسكينة بالشكل ده
و حننقعه فى ميه من الحنفية لمدة 3 ايام كل يوم نغير الميه مرتين مره الصبح و مره بالليل عشان ننزل منه المرارة
بعد ال3 ايام نغسله كويس و نحط عليه كل المقادير اللى فوق ونقلبهم فيه ما عدا الزيت و عصير الليمون و القشر بتاعه
بعد ما نحط المقادير فى البرطمان نحط عصير الليمون و عليه الميه و الملح و و نحط القشر على الوش و نكبس كويس البرطمان و و الاخر نحط الزيت
بعد كده حنحط كيس جوه البرطمان عشان نكبسه كويس
و نحط كيس حوالين الغطا عشان نضمن عدم دخول الهواء و نسيبه 25يوم على ما يتخلل
حنحط كيس من بره البرطمان زى الصورة كده
لان لما بيقعد يومين تفاعل المكونات بيخلى شوية زيت ينزل من البرطمان فبنحط الكيس عشان الزيت ينزل فيه و مش يبهدل الدنيا
هنا ده برطمان تانى و بنعرف ان الزيتون استوى لما نشوفه لونه اصفر كده التفاحى بياخد حوالى 25 يوم و العزيزى بيياخد من شهر لشهر و نص بس مش بيبقى اصفر قوى كده بيبقى اغمق شويه
هنا من قريب
هنا لما استوى شايفين لونه عامل ازاى ولا طعمه مممممممممممممم مقلكوش تحفة و حامى
و دى صورة اقرب للعذاب ههههههههههههه قصدى للتوضيح
نيجى للزيتون الاسود
سهل جدا فى عمايلة و اطعم من الجاهز بكتير
المقادير
2كيلو زيتون اسود هو بيتباع لونه اسود بيبقى استوى و هو على الشجره
كيس ملح
كوب زيت طعام و الافضل لو زيت زيتون
14 كوب خل
حلتين ميه مغليه للتمليح
الطريقة
نجيب الزيتون و بيبقى شكله كده ما تقلقيش من اللى لونه احمر او موف كله بيتملح مفيش مشكله
نغسله و ننشفه كويس او نصفيه من الميه
نرش عليه الملح حوالى 34 الكيس و نسيبه لمدة 5 ايام بالتمام و الكمال
و كل يوم نقلبه مرتين مره الصبح و مره بالليل
اليوم السادس حنلاقى الزيتون عمل ميه بالشكل ده
حنصفى الميه دى خالص منه و متقلقيش لو لقيتى الزيتون كرمش حيرجع لشكله الطبيعى تانى
حنجيب حلة ميه مغليه و نصبها عليه و نقلب كويس و نصفيها تانى
و ده عشان الميه دى تاخد الملح و المرارة و تنزل
بعد ما نصفيها نقلب عليها الحلة التانية من الميه المغليه و المره دى حنسيبها تبرد و الزيتون جواها
بعد ما تبرد خالص حنضيف الملح و الخل و الزيت ( شايفين بعد الميه ما بردت الزيتون راحت منه الكرمشه و رجع لشكله تانى ازاى )
و نحطهم فى برطمان و نقفل عليه يومين اتنين بس
و كلى احلى زيتون و ادعيلى
هنا جاهز للاكل
و الله كل اللى داقه ما صدقش انه معمول فى البيت اطعم من بره الف مره و نضيف و مضمون و بدون اى اضافات مضره
ايه رايكم يا قمرات
مواضيع هذا القسم برعاية
ام حبيبة قلبى ام حبيبة قلبى 149964_3.gif سوبر فتكات Fatakat 149964 فى عشى الهادى – اسكندرية