النظام ده ياحبيباتى انتشر فى الغرب بعد ما عملت bbc وثائقى مشهور عن
الصيام المتقطع (Iintermittent Fasting)
والصيام المتقطع فيه منه نسخ كتيرة جدا
ممكن تختارى منهم الأريح والانسب ليكى ولنظام حياتك
وهى فكرته انك بتصومى ايام وتسيبى ايام (يشبه السنة النبوية جدا)
وفيه ملايين من النساء والرجال فى الغرب والشرق الادنى
اللى اعتمدوا النظام ده كنظام حياة للحفاظ على الصحة مش بس كريجيم
لانه يوميا بتظهر فوائد جديدة ليه اهمها انه بيمنع الشيخوخة وبيزيد من كفاءة عمل الدماغ
وبيساعد على محاربة السرطان
ده غير فوائد الصيام عامةَ اللى هيا معروفة لينا كمسلمين ومسيحيين
النظام مافيهوش اى صعوبات ولا تعقيدات
ومافيهوش اى اكل ممنوع
ومافيهوش حساب دقيق للسعرات او النقاط
النسخة الاشهر منه هى :
صيام يوم وافطار يوم :Eat Stop Eat,Every Other Day Diet
الطريقة:
باختصار بتاكلى اليوم الاول اكلك العادى(2017 سعر) وفى اليوم التالى بتعملى ريجيم قاسي (500 سعر فقط)اما الرجال (600 سعر)
وطبعا عدد السعرات المسموحة فى اليوم العادى بيتوقف على وزنك ونشاطك .(ينصح باستخدام موقع لحساب السعرات المطلوبة)
https://t0.gstatic.com/images?q=tbn:A…Zka2tpNSSPG66A
وطبعا فى يوم الصيام او الريجيم القاسي ممكن تاكلى اى شىءوفى اى وقت
على مدار اليوم المهم ماتعديش ال 500 سعر
ولكن يفضل طبعا انك تختارى البروتين الخالى من الدهون والخضروات والفاكهة علشان تكون الامور اسهل والفائدة اكبر.
بتكررى ده يوم بعد يوم لحد ما توصلى للوزن اللى انتى عاوزاه
التثبيت :
بعدها ممكن تبداى التثبيت بزيادة السعرات تدريجيا فى يوم الصيام..مع مراقبة وزنك كل اسبوعين ..اول ما تحسي انك هتزيدى ارجعى قللى تانى لحد ماتعرفى عدد السعرات المناسب ليكى.
https://t3.gstatic.com/images?q=tbn:A…Vsm8cpY3Fjnj0g
الوزن المفقود:
هى بتساعدك على خسارة 4 كيلو شهريا + كيلوات زيادة فى الشهر الاول.
النسخ التانية هبقى اوافيكم بيها ان شاء الله فى موضوع منفصل
امنيات الصباح امنيات الصباح فتكات جديدة Fatakat 1235632 المنصورة – مصر