الخيار المقرمش الجميل من مطبخ سوسو
من كام يوم كعادتى كده وانا فاتحة فتكات وبقلب كده لقيت طريقة عمل الخيار المقرمش
قلت فى بالى اعمله وخصوصا ان الخيار رخيص اليومين دول
بس قلت اجرب كده فى شوية صغننين
المقادير بقى
جبت 5 خيارات
و3 عدد فلفل اخضر
وعليهم 3 معالق اكل ملح
و3 فصوص توم كبار
وشوية خل
وميا سخنة بتغلى …بتغلى اه بتغلى
ومعلقة كزبرة ناشفة
قوم ايه
غسلت الخيار وشيلت الاطراف لانى قريت ان فيهم مادة سامة وجبت البرطمان ووقفت فيهم الخيار وقعدت ازنق فيهم واوقفهم بالطول والفراغات دفست فيهم الفلفل جبت ميا سخنة بتغلى وغطيت بيها الخيار وحطيت معلقة الكزبرة والملح والتوم
فايدة الميا المغلية زى ماقريت انها مش بتعمل ريم ع الوش وكمان بتخليه مقرمش
وماشاااااء الله بعد 3 ايام طلعت خيارية وقطعتها ع الغدا وطلعت جميلة ومقرمشة واهم حاجة عجبت جوزى
جربوها ومش هتندموا واستنونى بقى لما اجرب مخلل الجزر والزيتون مواضيع هذا القسم برعاية
ام عبد الملك البيك ام عبد الملك البيك 1025364_2.gif فتكات هايلة Fatakat 1025364 القاهرة – مصر