بالمختصر كده طبعا كلنا عارفين الدمار اللى بيسببه الحمل فينا خصوصا وزننا
انا واحده من الناس اللى تخنت في حملها اللى فات 39 كيلو ازاى امتى من فين معرفش
بدأت وزنى 58 روحت اولد 96
صدمه عمري
و دلوقتى حامل لسه في اول شهر باكل كل الىى بلاقيه قدامى الاخضر و اليابس
حتى شويه كده و هاكل ابنى الغلبان و جوزي
و بجد عايزه الحق نفسي
انا من شهر كنت 66 دلوقتى خايفه اوزن ممكن يغمى عليا
عندي هسس من التخن لدرجه ان نفسي الوحم يجي و يفضل ليوم الولاده علشان متخنش
عايزه بقى اخواتى اللى بيقلبظوا ويربربوا في الحمل يجوا جنبي و نساعد بعض
و ياريت المشرفه متنقلش الموضوع لقسم الرشاقه لان ده لب صحه اى واحده حامل
asmaa amr asmaa amr فتكات ست الكل Fatakat 555367 الزقازيق – مصر
سبحان الله و بحمده