ما شاء الله لاقوة الا بالله انا ربنا كرمني وعملت فسيخ وطلع جامد جدا ةوقررت اني مشتريش فسيخ تاني من برة
طبعا شكرا جدا للمنتدي لاني اتعلمت منه الطريقة
ايه ده هبطل رغي وادخل عي الطريقة لاني صورته
المكونات
1- كيلو سمك بوري متوسط اصلي انا مبحبش الكبير قوي
جبت الكيلو خمس سمكات
2- كيس ملح خشن
3- شطة خشنة
ودي صورة الشطة وانا خلطاها علي الملح
اول حاجة جبت الفسيخ
وقطعت قزازة حاجة ساقعة وحطيت الفسيخ علشان يصفي ميته
وبعدين ادخل الملح في خياشيمة بعدما سبته يتصفي من ميته اكتر من 12 ساعة واضعط عليها علشان الملح يدخل لجوا واضعط علي السمكة اكني بعملها مساج
وبعدين احط في الكيس ملح بشطة واحط السمكتين خلف خلاف في الكيس
كل سمكتين في الكيس
واحطه في كيس جوا كيس وبعدين مشمع زي الصورة كده
واول تلات ايام اسيبه مجيش جنبه خالص وبعدين كل يوم اقلب فيه لحد اليوم العاشر بطلت اقلبه وحطيت عليه حاجة تقيله يعني حطيت عليه كياس سكر كتير جدا وده بيخليه يستوي اكتر ويبقي ملحه واحد
وبعد 15 يوم افتحه وعلي حلاوته وجماله مقولكوش
اتفضلوا معايا
اي حدعنده سؤال انا تحت امركوا مواضيع هذا القسم برعاية
مربي بورة مربي بورة 91847_3.gif سوبر فتكات Fatakat 91847 الزقازيق – مصر