السلام عليكم يا فتوكات
والله بكتب لكم الموضوع ده وانا مخنوقه وحاسه انى مقصرة جدا جدا جدا
مش هطول عليكم وهدخل فى الموضوع على طول
جوزى طلب منى اعمل له صينية بطاطس بالفراخ اللى انا كنت حاطه لكم وصفتها وعجبتكم
هو بيحبها اوى
المهم انا جوزى موته وسمه الملح الزيادة
انا بعد ما عملت الصينيه وسويتها وهو بياكل لقاها حاااااااااااااااااادقة هو بيقول كده لانه مش بيحب الملح لكن انا مدمنه ملح وشايفاها ملحها زياده شويه
بصراحه انا بعتمد على احساسى ومش بدوق الاكل غبيه واستاهل ضرب الجزمه
انا ما اعرفش زاد منى ازاى انا دايما بعملها مظبوطه
والله يا بنات اتضايقت اوى لانه ما اكلس غير نص رغيف كده بجبنه وبالعافيه معلقتين رز بلبن كنت عاملاهم امبارح
وحاسه انى مقصرة معاه اوى لدرجة انى والله بكلمكم وانا بعيط وضميرى بيأنبنى اووووووى
*
*
*
انا قومت قشرت بطاطستين وغسلتهم وقطعتهم اربع تربع وحطيتهم فى الصينيه بس دى استوت خلاص وبعدين مفيش حاجه تغلى فيها يعنى (لا شوربة ولا غيرة) علشان البطاطس تمتص الملح
تفتكروا هتجيب نتيجه؟؟؟؟؟
واللى عندها طريقه ياريت تقولى عليها ربنا يكرمكم
واللى ماعندهاش تدعيلى انى اعرف انام ضميرى معذبنى اوى بجد
انا والله ماكنت هاكل من زعلى بس غصب عنى اكلت لانى حامل فى التامن وباخد ادويه وخوفت على بنتى
وكمان جوزى عادى مش زعلان ده بيهدينى بس انا احساسى بالنقص بيقتلنى
يارب لا اله الا انت انى كنت من الظالمين
لا اله الا الله وحده لا شريك له له الملك وله الحمد يحيي ويميت وهو على كل شىء قدير
اللهم فرج همى وكربى واستجب لدعائى انك انت مجيب الدعوات
اللهم انت السلام ومنك السلام تباركت ياذا الجلال والاكرام
معلش طولت عليكم وتقلت بمشكلتى بس كنت محتاجه افضفض مع حد والا كنت هنفجر مواضيع هذا القسم برعاية
سمسمه أم جودى سمسمه أم جودى 381475_33.gif فتكات ست الكل Fatakat 381475 الدوحه – قطر