السلام عليكم ورحمه الله وبركاته
انا بنتى عندها سنتين وتلت شهور
النهارده قررت اقلعها البامبرز
وطبعا سمعت فيديو لسميرة الكيلانى قالت انه بلاش ضرب ولازم نحببه فقلاعانه وان نخليهم ينضفوا معانا مكان ماعملت عالارض
واعرفها ان ده غلط بالراحه وان مكانه فالتواليت
وفعلا عملت كده وهى لوحدها بقت تروح تشاور على البىبى وتقول يع يع
وتجرى تشاور على الحمام وتقول االإف فالحمام
وانبسط
بس عملت يجى 9 مرات على نفسها بس كل مرة مصدومه ان فى حاجة بتنزل منها هى لابسه بنطلون قطن علشان اقلعها سهل
وتعيط لما تيجى تعمل
مش عارفه اعملها ايه
جت على المغرب كده وبدات تصرخ وتعيط وتقلى غيرى يامااما بس هى ناشفه وعاوزة تروح عالسرير زى ماكنت بغيرلها البامبرز
ومعملتش براز خالص النهارده وشربتها سوايل كتير
حاليا هى نامت بعد العياط ده بس بتتفزع بالليل وهى نايمه وتقول اجرى على الحمام بس وهى نايمه وتحط ايدها على البامبرز بس نايمه
انا خايفه جدا والله من عياطها عيطت انا كمان
وهى مش راضيه تعمل فالحمام بس متقبله الحمام
وكمان مش راضيه تعمل فالبامبرز لانها حست بنفسها وهى بتعمل
دنية حبيبها دنية حبيبها 418251_3.gif سوبر فتكات Fatakat 418251 عجمان – الامارات