السلام عليكم ورحمة الله وبركاته
حبيباتى
امى مريضه شافاها الله وعافاها وتعالج بالاشعاع والكيماوى من اسبوع تقريبا
ادعولها بتمام الشفا بالله عليكم
قلبى موجوع عليها
اناحامل فى الشهر السابع وهى مقيمه معايا فى نفس الشقه ضيفه ودكتورى قالى ابعدى عنها لماتكون واخده الجلسه !تخيلوا اسيبها فالظروف دى والله هموت من الحزن لاحول ولاقوة الا بالله
المهم هى بتاخد جلسات يوميه ومستمره لمدة شهر واسبوع كمان
دكتور الاشعه قالى الجلسات اللى بتاخدها دى متأذيكيش لان الجسم بيمتصها لان الاشعاع انواع وهى مش بتاخد النوع اللى بيخرج من الجسم وانا محتاره محتاره مش عارفه اعمل ايه هى ياقلبى حاسه وبتبعد عنى قد ماتقدر وانا بحبس نفسى فاوضتى واعمل نفسى نايمه لغاية ماتعدى ست ساعات اواكتر وربنا اعلم بحالتى وانا سيباها وعامله نايمه اقول ايه لاحول ولا قوة الا بالله بس ربنا عالم غصب عنى داحملى الاول من بعد5سنين واكتر علاج وعذاب
سامحونى طولت بس نفسى اخرج اللى جوايا من قهر
سؤالى اللى عندها خبره تجاوبنى اصدق مين دكتور النسا بتاعى ولا دكتور الاشعاع والاورام اللى بيأكد ان دكتور النسا مش فاهم الوضع
واللى معندهاش فكره تدعى لامى دعوه من قلبها بظهر الغيب وربنا يتقبل منكم ومنى ويتم شفاها وكل المسلمين شفاء لايغادر سقم
علبة تونه علبة تونه 346580_9.gif فتكات هايلة Fatakat 346580 القاهره – مصر
سبحان الله و بحمده