بسم الله الرحمن الرحيم
ازيكم يا مزز المستقبل فى جروب قاهرين النحافه وبفضل الله دا الجزء الرابع للجروب عقبال ال 50 جزء ونتخن كلنا بصحه وامان
قيموا الاول بدل ما تنزلو لتحت وتكسلوا تطلعوا تانى
طبعا فى البدايه لينكات الاجزاء الثلاثه :
لينك الجزء الاول :
https://fatakat.univanet.com/#3270219
لينك الجزء التانى :
https://fatakat.univanet.com/#3326212
لينك الجزء الثالث :
https://fatakat.univanet.com/#3393200
وعشان الفتوكات الجداد ميروحوش ويجوا كتير هاكتبلكم كل اللى بنعمله هنا
الادويه اولا ادويه فواتح الشهيه : طبعا هو دواء واحد بس وبيتغير كل فتره من ال 3 ادويه دول يعنى كل شهر ونص كده تغيري
تريزوركس وده شرب بس انا شخصيا جربته وخدت منه ازازه وفتح شهيتى جدا وكل اعراضه الجانبيه النوم اول 3 ايام ودى صورته وكنت باخد 3 مرات فى اليوم قبل ال 3 وجبات
موسيجور ودا حقيقى لسه مجربتوش بس بردو اعراضه بينيم فى الاول وهو فى منه شرب وفى برشام ودى صورته وتاخدوه زى اللى مكتوب فى الورقه بتاعته لانى مجربتوش
وفى شرب منه ودى صورته
ترايكتين ودا جربته وماشيه عليه حاليا مره واحده قبل الغداء او العشاء وهو اقراص وشراب طبعا انا باخد الاقراص ودى صورته
ودا الشراب
ومهضم وفاتح الشهيه ديجستين فى شراب واقراص وده مره بعد كل وجبه ويعنى 3 مرات فى اليوم ودى صورته
ودا البرشام منه
وحبوب الخميره حبايتين بعد كل وجبه 3 مرات فى اليوم يعنى 6 حبايات فى اليوم ودى صورتها
خلصنا من الادويه نخش فى التمارين
تمارين توخر الكرش وتشد البطن 5 مرات فى اليوم تعمليها وبعدين 10 وهكذا حد ما توصلى ل 30 مره فى اليوم
1
2
3
4 المشي نص ساعه فى اليوم مشي سريع
خلصنا من التمارين نخش فى مشروب الطاقه مره او 2 فى اليوم
المشروب عباره عن " كيس بوريو من ابو جنيه او كيسين عادى اى كميه انت عايزاها _ معلقتين صغيرين قشطه بوك او اللى بتبقى فى اللبن عادى _ باكو بودره لبن دانو او اى نوع بودره بس انا بقلك الحاجه اللى باستعملها بس الاحسن انك تجيبى اكياس عشان كل مره هتعمليه تحطى كيس لان الكيس بيساوى كوبايه اللبن _ملعقتين صغيرين كاكاو نسكويك _ معلقتين صغيرين عسل نحل _معلقتين صغيرين شيكولاته نوتيلا _معلقه حلاوه اسبريد _ كيس كريم شانتى اللى هو الازرق دا الجاهز بيتباع عند اى ماركت او بولة ايس كريم حليب خديها من الكونو العادى او اشترى العلبه اللى اسمها كرنفال_ وحبه مكسرات ومعلقه صغيره زبده وفى الاخر تحطى كوبايه اللبن اللى انتو بتشربوه فى البيت انا بحط اللبن السايب وفى لبن بخيره او كوبايه مياه ساقعه " كده كده فى لبن بودره" _ وتحطى مكعب او 2 ثلج عشان كل المكونات دى حتى لو اللبن ساقع المكونات دى هتخلى المشروب يبقى مش ساقع اوى وكل دا بقى بضربتين ثلاثه فى الخلاط
بصي بقى هى مكونات كتير جدا انا عارفه وفى من المكونات دى الحاجات اللى مش هتحبيها انا مثلا مش بحب القشطه بس تاكدى ان اى حاجه مبتحبيهاش فى المشروب دا مش هتحسي بطعمها اصلا لان كلو بيتخلط مع بعضه
وعلى فكره مش لازم تحطى كل المكونات دى كل مره يعنى انا اول مره حطيت كله كان طعمه حلو بس مسكر اوى ف المره اللى بعدها محطتش حلاوه سبريد ولا شيكولاته ولا زبده يعنى وفى مره مكنش عندنا لبن ف حطيت مياه ساقعه بس فى لبن بودره طبعا بس الاحسن يبقى الاثنين موجدين لبن عادى وبودره عشان يديكى سعرات اعلى هو اصلا مشروب دمار فى الطاقه وياريت تشربيه قبل ما تنامى عشان متعمليش حاجه تضيع السعرات ويتحول لدهون وتتخنى بصي الحاجات الاساسيه فى المشروب "اللبن البودره + اللبن العادى او مياه سقعه + البوريو + القشطه + العسل + كاكاو نسكويك+الثلج عشان يبقى ساقع وجميل " اما بقى الكريم شانتى او الايس كريم والشكولاته النوتيلا والحلاوه الاسبريد والمكسرات دى عادى بمزاجك مره حطى كذا معاهم ومره حطى كذا واعملى تباديل وتوافيق براحتك فى الحاجات اللى مش ااساسيه اللى هى بالازرق دى بقى اما اللى بالاحمر دول الحاجات المغذيه وفيها سعرات فى نفس الوقت ( الاساسيه يعنى )طولت عليكى معلش ويارب يعجبك
نيجى لنظام الاكل :
كل الفتوكات اللى مش بيحبوا يشربوا الحلبه ولا الكراويه واللى مش بيحبوا حبه البركه هنعمل مطحون الطاقه عباره عن ( سمسم + فول سودانى+حبه البركه+كراويه+حلبه+"خميره بيره " للناس اللى مش بياخدو كبسولات الخمييره ولا بيحبوا طعمها وهنطحنهم كلهم وهنعمل المطحون دا كميه حلوه ونحطه فى علبه وناخد منه 3 ملاعق كبيره فى اليوم كل معلقه على ربع كوبايه عصير او تاكلى المعلقه كده وتقفلى مناخيرك لو مش بتحبى طعمهم يا جماعه استحملوا طعم اى حاجه مش بتحبوها وانا والله بحاول اسهلها اهو على كل الناس اللى مش بتحب طعم اى حاجه حتى اللبن طعمه بيبقى حلو فى مشروب الطاقه مع الكريم شانتيه او الايس كريم حليب
نيجى للاطعمه اللى بتساعدك على التخن وكمان فى اماكن معينه احنا عارفينها وكمان جدول السعرات الحراريه ادخلو اللينك دا
https://fatakat.univanet.com/#3393200-10
اخر حاجه بقى ياختى انتى وهى مش لازم نقعد سنتين عقبال ما نتثبت خشى قيمى يا حلوه
اه كنت هنسي الميزااااااااااااااااااااااان الميزان كل جمعه بنوزن
كل واحده تدخل تقولنا وزنها السابق والحالى زى كل جزء بدل ما اجبلكوا البت منمن
قيمى انتى لسا هتفكرى
dodobayo dodobayo 704547_1.gif فتكات رائعة Fatakat 704547 بورسعيد – مصر