انا اول مره اعمل موضوع انزل فيه جزء من حاجتى فممكن تقولولى رأيكم بصراحه والاسعار كده كويسه ولا غاليه انا شرياهم من سيتى بلازا وكاربت سيتى عندنا فى اسكندريه فى محطة الرمل
دى صوانى التقديم بتاعتى ميلامين انا هكتفى بالعدد ده ولا ايه رأيكم ؟
دى انا قولت هستخدمها صينية عشا كنت شرياها ب50 جنيه
ودى كنت جايباها ب 28 جنيه
ودى كانت ب 20جنيه
ودى كانت ب18جنيه
ودى كانت ب 17 جنيه
وده طقم اشتريته ب32جنيه خزف قولت ينفع للشاى والقهوه والسكر وقولت شكله اقيم من العلب البلاستيك ولا ايه ؟؟
ودول شوية رفايع مطبخ
ده شيف ديكور هو معاه كاسين بس مصورتهومش كان ب40 حلال كده فى الفلوس ولا اتضحك عليا ؟
ودى قشارة البطاطس والخضروات اشترتها ب23 جنيه
دى شيالة حلويات وفيها سكينه كانت ب30جنيه
ودى قطاعة البيتزا ستانلس كانت ب28جنيه
ودى سكينة العيش كانت ب20جنيه
ودى سكينة الفاكهه كانت ب19 جنيه
وده مضرب البيض ستانلس كان ب28 جنيه
ودول مغناطيس التلاجه الواحده كانت ب6 جنيه حسيت انهم مميزين وعجبونى اوى
وكده انا خلصت قولولى رأيكم بصراحه وكل ما هشترى حاجه هنزلها علشان اعرف رأيكم وياريت لو تدعولى ان ربنا يهدينى انا وخطيبى على بعض ويصلح حالنا وربنا يتمم لكل بنوته مخطوبه على خير ويسعد كل البنات ويرزقهم بالازواج الصالحين أمين يارب العالمين
كلى جمال كلى جمال 518781_37.gif فتكات هايلة Fatakat 518781 الاسكندريه – القاهره