انا كان عندي بيبي مشوه وعملت اجهاض
مش عارفة ممكن اكون حامل تانى ولا لأ ولا لسه
بس المشكلة انى روحت لناس وطلع ابنهم عنده جديري مائي ضارب في جسمه كله ، الولد بقاله اسبوع تقريبا عنده
وانا طبعا ماكنتش اعرف فروحت وماكنش ينفع امسي
قعدت بتاع ٤ ساعات معاهم وحاولت ماحضنش الولد ولا يقعد على رجلى بس هو طبعا كان عمال بلعب ويتنطط حواليا طول الوقت
وكان عمال يتكلم ويغني فممكن يعني سوري يكون بيتفتف
دلوقتى انا مرعوووووبة هو انا ممكن اتعدي عشان انا ماخدتوش وانا طفلة ؟؟
ولو اتعديت وانا حامل هيحصل ايه ؟؟
لو مش حامل الشهر ده بس اتعديت وحملت مثلا الشهر الجاى ؟؟
وهو الڤيروس ده بيقعد فى الجسم اد ايه ؟
ولو اتعديت هيبان امتى ؟
فيه تحليل اعمله من دلوقتى مثلا يبين لو كنت اتعديت او كدا ولا لأ ؟
انا بجد مرعوبة من ساعتها وعمال الشيطان يصورلى حاجات وانى هكون حامل تانى وهيتشوه تانى وهعيد التعب ده تانى
الحمد لله انا راضية بالاجهاض اللى حصل بس طبعا مش عايزة اكرر التجربة تانى هو رضا والحمد لله بس طبعا تجربة صعبة وكلنا عارفين فبجد خايفة اوى ادخل فى دوامات تانى !!
يارب حد يفيدني
دودو دىدى دودو دىدى 803151_1.gif فتكات رائعة Fatakat 803151 القاهرة – مصر