ازيكم يا حلوين عاملين ايه
يااااااااااارب تكونوا بخيييير
النهرده اكلتنا تشيكن رول
محشي جبنه و سوسيس
بس ايه شئ راااااااائع بجد
يلا نشووووووف:
المكونات:
شرايح فراخ بانيه متبله بالاتي:
((بصله + راس توم صغيره + علبه زبادي
+ رشه ملح وفلفل و اوريجانو و 3 وحدات كبابه صيني صحيحه
+ 4 وحدات حبهان + 3 وحدات قرنفل + نص فلفله + قطعه جنزبيل صغيره))
وكله في الخلااااااااااااااااااااط
جبنه شيدر شرايح
جبنه موزاريلا
سوسيس مسلوق
اعواد خشبيه
للتغطيه :
3 معالق نشا
3 معالق دقيق
بيضه
رشه ملح وفلفل واوريجانو
معلقه زيت
ربع كوب ماء
وده شكلها شبه الطحينه شويه
التحضير:
بعد نص ساعه على الاقل
صفي الفراخ كويس ونفردها كده
نبدأ الحشو نحط شريحه
من الجبنه الشيدر
حمرا او صفرا مش هتفرق
ونرش عليها شويه موزاريلا ورشه
اوريجانو
ونحط نص سوسيهايه عليهم بالشكل ده
ونلف الفراخ رووووول
كده انا خلصت المقدار
تدخل الفريزر من نص ساعه
الى ساعه لحد ما تبرد كويس
وبعدين نطلعها ونغرز فيها العود الخشب
ونكون حضرنا التغطيه
ونحط فيها الفراخ ونغطيها كويس
بالعجينه من جميع الجهات
بعد كده ننزل بيها في الزيت ويكون سخن
((مش اوي طبعا عشان ما تتحرقش))
((ملحوظه : ما تحمريش كميه كبيره
مع بعض عشان الزيت ما يبردش))
ولما تتحمر من جهه نقلبها على الجهه التانيه
وماتخافوش الجبنه مش هتطلع لانها متجمده
ولما تتحمر كويس من جميع الجهات نطلعها
على ورق نشاف
وده شكلها من جوه كمان
وتقدم مع بطاطس محمره او مكرونه
لذيييييييييييذه بجد والطعم خراااااافه
معلش يا جماعه سامحوني
الصوره النهائيه مش هقدر احطها
لقتها باااااااااااااااايظه
اشوفكم على خييييييييييييير
ويارب تكون الرولات عجبتكم مواضيع هذا القسم برعاية
روبي صلاح الدين روبي صلاح الدين 100206_1.gif فتكات ست الكل Fatakat 100206 جده – السعوديه