السلام عليكم ورحمة الله وبركاته
سلام كبير اوي مربع ومقلم ومسبك لكل الفتوكات
الطبيخ العادي الي الناس العاديه بتطبخو يعني الخضار المطبوخ بيكون تقيل علي المعده ومش صحي بالذات للاطفال ومعظم الاطفال مش بيحبوه زي الكوسه والبطاطس والفاصوليا والبسله و……و…..و…..
والطريقه العاديه الي كلنا عارفنها اننا بنحمر بصله مفرومه وتوم مفروم في الزيت حتي يحمر ندخل عليه بعصير الطماطم المصفي لحد الطماطم اما تغلي وتتسبك نخش عليه بالخضار ونتركه حتي يستوي ونزوده ماء او مرقه وفيه بعض انواع الخضار يسلق اولا ثم يوضع في التسبيكه (البصل والثوم وعصير الطماطم )
ونوع اخر يشوح في الزيت حتي يستوي وبعدين نخش عليه بالتسبيكه
طبع معظم الناس المتوسطة الحال بتطبخ بالطرق دي
بعد الهده الاولاد مش عاجبهم عايزين كل يوم لحمه ولا ايه لازم يتعلمو التقشف علشان لما يدخلو الجيش
ربنا يجعل ايامهم احسن من ايامنا
انا بعمل ايه بحط في الخلاط البصل والتوم وفلفل اخضر و وكوسايه صغيره وجزرايه صغيره
واخلطهم كويس واحطهم في حله سلستيل علي النار وعليهم الخضار حسب نوعه الي عايز السلق اسلقه الاول والي عايز التشويح اشوحه الاول والي مش محتاج لا سلق ولا تشويخ بخطه علي الخلطه دي علي طول وعليهم الملح والبهارات واحنا عندنا اللحوم ( الفراخ /اللحمه/ الممبار /الكبده …..) مره واحده في الاسبوع ولو اسرفنا علي انفسنا شويه بتكون مرتين لان الدكتور قال ان كتر اللحمه مضر علي الصحة واحنا بنحافظ علي صحتنا وكمان السمك ثلاث مرات في الاسبوع واليومين الباقيين بيبقو تغيير اي حاجه مختلفه
احيانا اللحمه بنعصجها ونحط عليها الطماطم بالخلطه وعليهم الخضار ودا طبعا في اليوم الي بنطبخ فيه لحمه علشان الولاد يحبو الخضار
الطريقه دي بعملها دايما علشان الولاد ياكلو الجزر والكوسه واي خضار مش بيحبوه من غير ما يعرفو انو موجود في الخضار الي بيحبوه
تاني حاجه سهله وسريعه وصحيه وخاصة للي مش بيحبو البصل في الاكل مش هيحسو ان فيه بصل في الاكل لان الخلاط هينعمو جدا
لو انتي مستعجله هتوفر عليكي تبشري البصل وبعدين تدقي التووم وبعدين تحمريهم وتحطي عصير الطماطم هتوفري كل دول في خطوه واحد
حبيت افيدكو يمكن حد يعجبو طريقتي ودا ما يمنعشي اني لما اشتاااااااااااااق للتسبيك بسبك مره من نفسي
لو عجبتكو ياريت تقيمو وتقولو رايكم مش علشان التثبيت والكلام ده بجد بفرح اوي لما الاقي موضوع عاجبكو وبتفرحني اوي ردودكو بحس اني عملت اختراع واني اخدت جايزة نوبل ااه والله مش عارفه ده ايه
باين الواحد صغر تاني معلشي ربنا يفرحكو ذي ما هتفرحوني مواضيع هذا القسم برعاية
mzya mzya 105574_2.gif سوبر فتكات Fatakat 105574 المنصورة – مصر