السلام عليكم ورحمة الله وبركاته
ازيكم يا حبايب قلبى عاملين ايه
يارب دايما فى احسن حال
ويرزق كل واحده فيكم كل ما تتمنى
بصوا بقا انا البيريوت متأخرة 11 يوم وعملت اختبار منزلى بعد تأخيرها ب 6 ايام
وطلع شرطة واحده بس تانى يوم ببص عليه لاقيت شرطة خفيفة جداااا كأنها بالقلم الرصاص قدام خانة ال T
روحت بعدها ب 3 ايام عملت اختبار حمل فى الدم يعنى كانت متأخرة 9 ايام
وطلع NEGATIVE
طيب انا تعبانه اوى عضمى كله واجعنى جدااا وبطنى حاساها كبرت من تحت كده
وكل شويه احس باعراضها ومتجيش
انا عندى 3 اطفال والحمد لله ربنا يبارك فيهم مش عايزة تانى لانهم جننونى اصلا
وكنت مركبة لولب 5 سنين وشيلته لانه تاعبنى اوى وقولت اريح منه حبه وابقه احطه تانى
وكنا بنستخدم طرق تانيه لمنع الحمل
طيب هو ممكن يكون الاختبارات دى نتيجتها خطأ معقووول؟؟
ياريت تقولولى رأيكم
مع العلم انها دايما منتظمة الحمد لله
مش عارفة ايه اللى حصل ؟
ولا انا وصلت لسن انقطاع البيريوت بدرى بدرى كده
انا قربت اكمل 31 سنة
مستنياكم ومستية ردودكم الجميلة زيكم
فى حفظ الله يا قمرات
لولى سلمى لولى سلمى 477759_6.gif فتكات ست الكل Fatakat 477759 الجيزة – مصر