اولا انا الحمد لله فى التاسع يعنى خلاص هانت
اشتريت اللبس الحمد لله وكلو حاجات قطن ومن كل حاجة 3 قطع بلكتير وحاولت كمان يكون مقاس كبير علشان جسمو هيتغير بسرعه فا الموضوع مش لازم مصاريف كتير…. اللى عايزة تسال عن حاجة فى اللبس تقول ؟
تانى حاجة الشنطة بقة حطيت فيها ايه بصو معايا ………
اولا ملاية علشان افرشها ع السرير اللى هنام عليه
طبعا انا مش هشترى بطانية لانى خلاص احنا داخلين ع الصيف فا مش هحتاج البطانية امال عملت يه … الدفاية اللى بنفرشها ع السرير الخفيفة دى هتطبقها والفو بيها اة مش عيب هو اولى بلفلوس دى فى حاجات تانية .
كمان كيس صغير حطيت فى واحد بامبرز وكمان قطعه من كل حاجة هيلبسها اول ميتولد علشان الممرضة اما تيجى باباه يديها الكيس على طول من غير ميدور تلبسو الحاجات اللى جوها
كمان كيس فيها كام غيار تانى علشان لو غير هدومو
6 بامبرز اة احتياطى مش هيضر
الويز
علبة مناديل
مزيل عرق وبرفان ومشط ومراية وروجاجو وزبدة كاكاو لو قدرت ادخل الحمام ازبط نفسى يعنى بدل منظر المدمنين اللىهبقا فيه
فوطة ليا وفوطة للبيبى
وفوطة علشان احطها على كتفى وانا برضعو علشان لو اشط ميبهدلش هدومى
طرحة اغطى بيها نفسى وانا برضعو خفيفة وطرحة البسها بعد الولادة
2 جلابية مفتوحة من قدام
و2 روب……. انا واخدة بزيادة مش هيخسر
واخدت اسدال الصلاة بتاع البيت هو شيك علشان اروح بيه بدل الجلابية وانا نازلة من العربية زى مكون راجعه من السوق
غيارات داخلية وبنطلون كارينا هو واسع بس علشان معرفش ابقا ماشية الدنيا سايحة كدة
وشبشب للحمام
جرايد ……ز ليه بقة علشان لما تغيرى الالويز والبامبرز للبيبى تلفيه فى جرنال بدل مترميه كدة فى الباسكت ويلم دبان او طير وانتى اللى هتقرفى نفسك بنفسك
واكياس اول كيس علشان تحطى فيه الغيار اللى هتقلعيه بعد الولادة .. وكمان لو رجعتى لقدر الله كمان احتياطى وكمان
طبق ومعلقة وسكينة وكوبايات بلاستيك وده ليه …… سعات لما بيجيبولك الاكل وانتى ساعتها ملكيش نفس تاكلى بيقومو شايلين الصنية زى ميكونو مصدقو انتى تحطى حاجتك واكلك فى طبق واكياس بيضة نضيفة شفافة من بتاعه الفينو دى
كمان اخدت صابونة وصابون سايل علشان لو حاجة من هدومى اتبهدلت اهو احتياطى بردو
علبة مناديل
ازازة عصير كبيرة تشربى منها ولاى حديجيلك
كمان شحنت الكميرة وحطيتها علشان باباه يصورو اول ميتولد
كيس فيه صابونة وليفة وشاور للبيبى علشان لو مفيش حاجة يحموه بيها يبقا حاجاتو موجودة احتياطى
عشرين جنيه جنيهات … وده ليه عشان هتلاقى كل شوية واحدة داخلة تقولك مبروك مبروك وعايزين حاجة
والكاروكت … اللى هو شنطة البيبى بيتحط فيها علشان وانا خارجة من المستشفى يتحط جوها يكون محكووم جواها
فرشة سنان ومعجووون طبعا
يخربيت الرغى انا رغاية كدة ليه … طب سامو عليكو بقة بلاذن
cranshy cranshy 783942_1.gif فتكات متميزة Fatakat 783942 cairo – egypt