عملت الفراخ المقرمشة زى بتاعت كنتاكى على طريقة الشيف محمود عطية وطلعت زيها واحلى طبعا لانها مضمونة وصحية عن بتاعت المحلات
نيجي للوصفة
بنجيب الفرخة نغسلها كويس ونقطعها 8 قطع ونسيبها تنزل كل المية اللى فيها ويكون احسن لو تحطيها فى مصفة
ونيجي بقى للخلطة هى عبارة عن ربع كيلو دقيق معلقة صغيره توم بودر وبصل بورد وكيسين مرقة دجاج بودر (حسب الرغبه) وملح وفلفل وبهارات ونحط عليهم ميه لحد ما يبقى سمكهم عامل كده زى اللى فى الصورة وحطى الميه بحرص عشان متبقاش الخلطة خفيفة احنا عايزينها زى سلطه الطحينة كده
ونتبل فيها الفراخ كده ونخليها تتشرب من التتبيلة كويس ونسيبها لمده ساعه ويستحسن لو عملتيها من بالليل
وبعدين نجيب حلة الضغط ونملا نصها زيت ونسيبه يسخن كل دا وهى مفتوحة
ونجيب بقى الفراخ اللى عملناها فى الخلطة ونجيب ربع كيلو دقيق وناخد كل قطعه نعملها فى الدقيق كده زى السمك
وعلى الزيت السخن على طول منستناش
وبعد كده نغطى الحلة بس نسيب صمام الامان مفتوح ودى خطوة مهمة جدا
واحسبي 15 دقيق من اول ما قفلتى الغطا
ودا بعد ما عدا 15 دقيقة
–
–
–
–
–
الفراخ المقرمشة وصلت
وطبعا بنطلعها على مناديل
واللى معندوش حلة ضغط يسلق الفراخ نص سلقه ويحطها فى الخلطة اللى عملناها وفى الدقيق وعلى الزيت بسرعه بس يكون زيت عزير وسخن عشان تبقى مقرمشة
ودا طبق بطاطس مقلية بالكاتشب
ونيجي بقى للزر بالخلطة على طريقة الشيف
بنجيب بصله متوسطه تقطعها ونحمرها لحد ما تبقى دهبى كده
وبعدين بنجيب 3 معالق كاتشب ونحطهم عليها مع كوباية ميه
وبديها غلوة وبعدين نجيب الرز المغسول ونقلبه مع البصلة ونزوده شوية ميه حسب مقدار الرز ونحط فوقيه كام فص توم عشان يدي نكهم حلوة للرز
وبالهنا والشفا
ارجو الدعاء لى بظهر الغيب
واستودعكم الله الذى لا تضيع عنده الودائع
مواضيع هذا القسم برعاية
الام المسلمة7 الام المسلمة7 images/avatars/yellowflower.jpg فتكات هايلة Fatakat 798322 اسكندرية – مصر