السلام عليكم ورحمة الله وبركاتة
حبيت اجيب لكم انهاردة طريقة سهلة للزيتون المخلل
اولا المقادير
كيلو زيتون اخضر
جزر مبشور
اوراق كرفس
فصوص توم وفلفل حار اخضر واحمر
6ملاعق كبار ملح والاحسن ملح خشن
حوالى 5 لمونات تشوقيهم اربع تربع
ربع كيلو ليمون دول لحالهم غير الخمسة الاولنيين
نيجى للطريقة
نغسل الزيتون كويس جدا ونشق كل زيتونة بالسكينة من فوق لتحت
ننقع الزيتون لمدة 5 ساعات فى المية ماية عادية
وبعد الخمس ساعات نصفية من المية ونشطفوا
وبعدين تجيبى البرطمان يكون محكم الغلق
وتكونى مجهزة جزر مبشور وعلية اوراق الكرفس وفصوص توم
وتحطى راقين زيتون فى البرطمان وترشى الجزر بالكرفس بالتوم
وتحطى لمونتين من المشقوش اربع ارباع وحبة فلفل اخضر واحمر حار والكمية طبعا تبع الرغبة
وتمشى كدة راق وراق لحد ما البرطمان ما يتملا
نيجى باة نجيب ربع كيلو الليمون ونقطعوا ونحطة فى الخلاط وعلية 6 ملاعق الملح وتقريبا لتر مية وقرنين فلفل واحد اخضر وواحد احمر حار
ونخلط كويس جدا وبعد الخلط نحط الخليط على البرطمان وعلى وش البرطمان زيت زيتون ونقفل كويس ونسيبوا يتخلل
وبالف هنا وشفا
على فكرة دة اول موضوع ليا فى المدونة يارب يعجبكو مواضيع هذا القسم برعاية
كوكى مايو كوكى مايو images/flowersavatars/avatar0031.jpg فتكات نشيطة Fatakat 514608 الرياض – السعودية
سبحان الله و بحمده