السلام عليكم ورحة الله وبركاته
حبايبى انا وجوزى حزانى جدا انا حزينه عشانه وهو حزين عشان نفسه برضو انا مش بفكر فى الاولاد أد مبفكر فى ان جوزى بيأه مبسوط ومش حاسس بأى نقص بجد انا حزينه عشانه جدا المهم عشان مطولش عليكم اصل مليش غيركم بعد ربنا سبحانه وتعالى
انا جوزى حلل بعد 3 شهور من جوازنا ولئينا العدد 2 مليون فى المل والحركه 25 فى المائه والتشوهات 75 فى المائه وعدين جوزى اتعالج لمده 3 شهور وبعدها حلل وباه العدد 14 ونص مليون والحركه 60فى المائه والتشوهات 45 فى المائه يعنى تحسن كبير وفرحنا جدا وعمل اشعه ع الخصيتين والخصيتين تمام والحمد لله يعنى كان سبب المشاكل شويه ضعف وبيتعالجوا الحمدلله ومشى برضو على علاج لمده شهرين وقبل ميحلل عمل عملية تثبيت فقرات فى ضهرة بشرايح ومسامير وقالى هحلل بعد العملية عشان انا بالى مشغول بيها ومش مستعد احلل الا بعد معهملها وانا قولتلو براحتك وعمل العمليه والحمد لله قام بالسلامه وبعد شهر انا اخدت كلوميد بناء على طلب الدكتورة وجوزى راح يحلل وانا روحت اجيبله النتيجه وطبعا رايحه وانا فى بطنى بطيخة صيفى ذى مبيقولوا لانه اتحسن وكمان كان جمب العلاج ماشى على خلطة عسل غاليه جدا مبطلهاش خالص لحد الان وكنت انا اخدت الكلوميد وروحت اجيب النتيجه وكانت المفاجأة القاسيه انا كان هيغمى عليا من الصدمه النتيجه العدد 2مليون ونص ومش ده المهم المهم ان الحركة زيروووووووووو طب ازاى ومكتوب ان الكمبيوتر مش قادر يحدد نسبه التشوهات خالص لان العدد قليل حاجه عجيبه انا اتصدمت وقولت يمكن العملية اللى عملها هى السبب وقولت طب الكلوميد اللى اخدته ده انا كده اخدته ع الفاضى ودماغى اتقلبت بس فقت وقلت الحمدلله اللهم لااعتراض يارب هون علينا يارب ورجعت لجوزى ومن يومها وهو هيتجنن ومش عارف ايه السبب والدكتور بتاعه بيقول ان العمليه ملهاش اى علاقه خالص ولو اثرت فبتاثر على القدرة الجنسيه مش محتويات السائل امال ايه السبب مش عارفين لحد دلوات وهو دلواتى ماشى على علاج لمدة شهرين وبعدين نشوف بس جوزى مش مرتاح مع الدكتور ده
ياريت اللى تعرف دكتور خصوبه ممتاز فى الاسكندريه ويكون عنده ضمير تقولى عشان جوزى يطمن ياريت تهتموا من فضلكم لانى تعبانه جدا من الزعل على حالة جوزى ولكم جزيل الشكر
والسلام عليكم ورحمة الله وبركاته
يارب أكون أم يارب أكون أم 262405_3.gif فتكات متميزة Fatakat 262405 فى حضن زوجى حبيبى – فى قلب حبيبى
سبحان الله و بحمده