السلام عليكم
انافى الشهرالسابع حاليا وبقالى حوالى اسبوعين عندى مغص وتقل ووجع فى ضهرى مش طبيعى وافرازات بنى نزلت مره واحده بس
ومعادى مع الدكتوره 317
ومش معايارقمها وطبعاعلشاناروح لدكتوره تانيه عايزالى 300 او400درهم كشف وسونار
المهم اتصلت بدكتورتى فى مصر قالتلى دى اعراض ولاده مبكره لازم تكشفى
المهم كشفت انهارده الدكتوره عملتلى سونار قعدت ييجى ربع ساعه واللى استغربتله انهاعملته تحت خالص لدرجه انهاقلعتنى الاندرمن قدام مع ان الطفل حاليا مش تحت اوى كده
وادتنى بعدهاحقنه فى جنبى حقنه صعبه جدا
الممرضه قالتلى انهاللوجع علشان تمنع الام اللى عندى
وعملتلى تحليل طلع عندى نسبه صديد عاليه فى البول
الدكتوره قالتلى انه ممكن الصديد يتسبب فى الولاده المبكره وادتنى مضادحيوى وفوار وهتتابعنى لحدماالنسبه تنزل
نصيحتى ليكم بقى
اوعى تهملى فى اى شىء تحسيه اثنناء الحمل وحتى لومش معاكى فلوس استلفى واكشفى
يعنى انااهملت لان ماكانش معايا ال300درهم بتوع الكشف بس برده فى النهايه استلفتهم ودفعتهم فى كشف وعلاج وممكن اكون لسه هدفع تانى
الاهمال وحش ياجماعه مهماكان عذرك طفلك امانه فى رقبتك
نصيحتى التانيه
ان كل واحده فيناحملهامختلف عن التانى حتى لو الاعراض والمشاكل واحده
يعنى اناالاعراض اللى عندى البنات هناقالولى انهاعندهم وانهاشىءطبيعى وللاسف انا سكت واقتنعت انهاحاجه عادى والنتيجه انى عرضت حياه بنتى للخطر
ياريت يابنات اى واحده تحس بحاجه تكشف
وربنايقومناكلنابالسلامه
ادعولى انى اوصل للتاسع على خير
زوجه مسافر زوجه مسافر 656428_4.gif سوبر فتكات Fatakat 656428 عجمان – الامارات