ازيكوا يا حلوين ياللى بنفسكوا مش حاسين لحد ما بقيتوا مقلبظين
لالالالا اوعى تزعلى يا فتوكه منك ليها بس مش دى الحقيقه ياوختى انتى وهي
هنفضل لحد امتى كده نفسنا نخس وبنقول يااريت واحنا حاطين ايدينا على خدنا وكأن هتنزل علينا قنبله تفجرنا واحنا قعدين
لا يا حلوه انتى وهي محدش هيفجرنا احنا اللى هنفجر نفسنا هههههههه
قصدى احنا اللى لازم نساعد نفسنا ونقرر نغير شكلنا وحياتنا
يلا قومى انتى وهي ونفضى الكسل زي منا عملت وتعالى معايا ناخد بإيد بعض ونشجع بعض عشان نوصل للى احنا عاوزينه بإذن الله نوصل للجسم والشكل اللى بنتمناه وفى نفس الوقت تكون صحتنا حلوه ومنحرمش نفسنا من حاجه
انا انهارده مش جايبه نظام دايت معين ولا هنحدد نفسنا فى اى نظام انا فكرتى فى اننا نخفف اكلنا يعنى بدل ما تضربى طبق رز كفايه نصه ولا ربعه وكترى فى الخضار والفاكهه وطبعا الخضار كفايه معلقة زيت واحده مش تفضى الازازه وانتى بتطبخى احنا عاوزين نفضى الدهون اللى فى جسمنا مش نزودها
وعاوزين نخس بصحه وعافيه ولا ايه
انا عاوزه اضرب عصفورين بحجر اخس ومحرمش نفسى وفى نفس الوقت اهتم بصحتى واكل اكل مفيد
كتير بنشوف بنات عملت دايت وتلاقى شعرها وقع ولا بشرتها بقت صفره وحالتها بالبلا
لا طبعا احنا مش عاوزين كده مش نصلح حاجه ونبوظ حاجه تانيه
احنا عاوزين نبقى مزز
عاوزين نكتر السوائل والعصاير عشان بشرتنا متتأثرش والميه (ازازة الميه جمبك علطول مش تشربى بس لما تكونى عطشانه )
اللى عاوزه تخس من حوالى 10 كيلو تتفضل معايا وان شاء الله على اول السنه نوصل لحلمنا اللى عاوزين نحققه من زمان بس كسلنا مخلينا مأنتخين
وعلى فكره انا مخترتش نظام معين واخترت انى اقلل عشان سبب مهم بنات كتير بتشتكى ان وشها بيخس اووووى على الرغم من ان جسمها مخسش بالصوره المطلوبه وانا كانت دى دايما مشكلة حياتى ومبحبش اعمل دايت عشان وشى كان بيدمر
بس اكتشفت انى انا اللى كنت غلط كنت بحرم نفسى اووووى عشان انزل على الميزان كتير ومكنتش عارفه ان الوزن كتير ده اللى بينزل كان ميه وعضلات مش دهون وعشان كده لما كنت ارجع تانى للاكل كنت بزيد اللى فقدته بسرعه رهيبه لان اللى نزل مش دهون
وعشان كده نظام التقليل ده والبعد عن الدهون هو الافضل صحيح مش هنخس فى الاسبوع اكتر من كيلو مثلا لكن كده افضل وشنا مش هيتأثر ومش هنزيد بسرعه وهنفقد الدهون مش السوائل اللى فى الجسم والعضلات
كمان الرياضه شىء مهم جدااااااا وحطى تحت جدا مية خط
يعنى لازم تمارسى اى نوع رياضه تفضليه يوميا لمدة نصف ساعه
سواء مشى او سويدى او رقص اللى تحبيه بئا
انا عندى مشايه كهربائيه فهتساعدنى ان شاء الله مع انى كنت بكسل جدااا
بس الله المستعان
يلا مين معايا يا بنات
اللى هتشترك معايا تعرفنى على نفسها
ووزنها وطولها وعاوزه تخس كام كيلو
وياريت يا بنات الالتزام ارجوكم
اسماء المشتركات
ام زيكو 2
واللى حابه تنضم لينا تتفضل
romance princesse romance princesse 537203_5.gif سوبر فتكات Fatakat 537203 مدينة الحبيب عن قريب ان شاء الله – السعوديه ان شاء الله