احب الاول اعتذر ليكم يا فتوكات من تأخر الموضوع … انا كنت مجهزاه من بدرى بس مكنتش عارفه ادخل على الاكونت بتاعى على فتكات خااالص المهم انى دخلت و هنشر الموضوع
قبل ما نبدا قولى ورايا
لا اله الا انت سبحانك انى كنت من الظالمين
النهارده اول مستوى من حملتنا ( هنخس من غير ما نحس )
ده رابط الجزء التانى من الحمله بتاعتنا
https://fatakat.univanet.com/#5377116
و دول اسماء الفتوكات المشتركات معايا ( على حسب اسمائهم ف المدونة )
ana marmar – raw2aan ورده بستان snow white93 ماهيتاب الامير ياسمين الشاذلى رؤى الروضه nannosty anato0o0ota سكرره المسكره gogo_mak enas2777 gt birt
و الفتوكات اللى معانا ف الحمله ياريت يحطوا الصوره دى ف التوقيع
و دى طريقة وضع صورة ف التوقيع
https://fatakat.univanet.com/#447266
طبعا المستوى ده هنبدا فيه من بكره اللى هو الخميس 295 و هنقعد فيه 10 ايام يعنى هنخلصة يوم 76
و يا رريت نمشى عليه بالظبط :
ممكن تنقصو من حاجات معينه هكتبها …. بس فيه حاجات تانيه مينفعش ننقص منها ينفع نزود …. و ده هقوله بالتفاصيل
بس لازم تقروا الموضوع كامل متكسلوش زيى
اول حاجه المياه … هنشرب 6 كوبيات ميا ف اليوم ( و ممكن اكتر طبعاا )
و هنقسمهم ك الاتى :
_ 2 كوب ماء على الريق ( قبل الفطار ب نص ساعه ) و ممكن نخليهم كوبايه واحده و الكوبايه التانيه تكون مشروب ريجيم ( زى الشاى الاخضر او شاى ريجيم ….. الخ )
بعد الفطار ب 3 ساعات بنشرب كوباية ميا مع فاكهه او خضار (ثمرتين) المهم يكون مش بيتخن زى التفاح او الخيا او خس او جزر …. الخ ( وجبه خفيفه 1)
و قبل الغدا ب ربع ساع بنشرب كوباية مايه
و بعد الغدا بساعتين بنشرب كوباية مايا و فاكهة او خضار(ثمرتين) مش بيتخنوا بردو زى اللى فوق (وجبه خفيفه 2 )
1 كوب قبل العشا على طول
و طبعا اللى عايزه تزود عادى المهم ان اللى انا كتباه ده الاساسى و محدش نقص منه
تانى حاجه الحلويات : مسموح انك تاكلى اقل من اللى انا كتباه
مسموح اكلها على الفطار فقط
و الكميه = 2 قطعة كيكه
يعنى لو الحلويات دى كيكه تبقى قطعتين لو بسكوت بالشوكولاته يبقى على حسب حجمه المهم يكون = قطعتين كيكه و لو جاتوه تبقى قطعة واحده و لو تورته تبقى قطعه اد حتتين الكيكه
و دى مسموح مرتين ف المستوى ده
مش مرتين ف اليوم لا مرتين ف العشر ايام دول بالكميه اللى انا كتباها فوق و المهم انها تكون على الفطار و ممنوع نهائى تكون باليل او على الغدا او بين الوجبات
تالت حاجه المياه الغازيه : مسموح انك تشربى اقل من اللى انا كتباه
مسموح شرب كوبيتين ف المستوى ده ( مش كوبيتين ف اليوم لا كوبيتين ف العشر ايام دول )
المهم انها تكونعلى الفطار و ممنوع تتشرب بعد كده
و طبعا هتشربى كوبايه عاديه ( اللى بتعايرى بيها الدقيق ف الحلويات )
رابع حاجه العصائر : مسموح انك تشربى اقل من اللى انا كتباه
مسموح شرب 3 كوبايات ف المستوى ده (ف العشر ايام دول )
المهم تكون الصبح على الفطار و ممنوع تكون بعد كده
الفاكهة اللى بتخن : زى الموز و المانجو و التين و الخوخ و المشمش و و العنب و اى فاكهه فيها سكريات
لو الفاكهة دى بتخن يبقى ناكلها الصبح مع الفطار دى مسموحه تاكليها 3 مرات ف المستوى ده
ملحوظه هامه جدااااا جدااااااا :
المهم انك ماتكليش الحلويات و العصائر و المياة الغازية ف يوم واحد
يعنى يوم تاكلى حلويات
و يوم تشربى بيبس ,,, و يوم عصير لكن متجمعيش اى اتنين مع بعض نهاااائى
يعنى انتى يومين هتاكلى حلويات و 3 عصاير و 2 مياه غازيه و 3 ايام مسموح تاكلى فيهم فاكهه بتخن
الفاكه اللى مش بتخن : زى الكريز الاحمر و التفاح و الرمان و اليوسفنتى و البرتقان و الفراوله و البطيخ و الكمثرى و الجوافه
مسموح تكليها مع اى وجبه خاصه الوجبات الخفيفه
و نفس الكلام الخضاار
نيجى للسكر : مسموح انك تاخدى اقل من اللى انا كتباه
ليكى 3 معالق سكر ( ده غير العصير و الحلويات ….. يعنى دى حاجة و دى حاجه )
و لو عايزه تنقصى تخليهوم معلقتين ف اليوم او معلقه او من غير سكر ف ده براحتك
مشروبات الريجيم بقى : ممكن تشربى اكتر من اللى انا كتبهاااه
لاازم تشربى حوالى 2 كوب من المشروبات دى ف اليوم
المشروبات دى زى الشاى الاخضرو شاى الريجيم و الجنزبيل و القرفه و البردقوش و المريميه و الليمون و الكمون …. الخ
و المشروبات دى بتتشرب يا اما على الريق قيل الاكل بربع ساعه مع كوباية ميا واحده
او اى وقت تانى براحتكم و يستحسن انها تكون قبل او بعد الاكل
صابونة القهوة : ممكن تزودى من استخدمها اكتر من اللى انا كتبهاه اللى انا كتبها
بنستخدمها ف المستوى ده 3 مرات او اكتر طبعا المهم تكون مش اقل من 3 مرات و دى بنستخدمها على المناطق اللى مزهقانه
زى البطن و المؤخره و الرجل و الجناب و كده بعنى كل واحده عارفه هى هتستخدمها علشان ايه
انا مثلا هعمل بيها جسمى كله
طريقة الاستخدام بقى بتدعكى بيها المنطقة المراد تخسيسها بشكل دائرى و لمده 10 دقايق او اكتر
التمارين بقى: و دى تركزوا معايا علشان متتلخبطوش
الرابط ده فيه تمارين مع المدربة
jillian michaels
https://www.youtube.com/watch?feature…&v=_JGtSuIQ0UI
و الفيديو ده عباره عن 3 مستويات و الفواصل بينهم باينه
يعنى باين المستوى الاول من التانى من التالت
و كل مستوى هتلاقيه حوالى نص ساعه
و لو حاسه انك هتتعبى انك تعملى نص ساعه على بعضها قسميها على 3 مرات يعنى كل شويه اعملى 10 دقايق المهم تعلمى اللمستوى كله ف اليوم
احنا هنعمل كل مستوى ف 3 ايام بس يعنى
المستوى الاول هنعمله يوم الخميس و الجمعه و السبت و المستوى 2 هنعمله الحد و الاتنين و التلات و المستوى التالت هنعمله اربع و خميس و جمعه
كده فاضل يوم واحد و ده هنعمل فيه التمارين دى
هما حوالى بردو نص ساعه و ممكن تقسميها بردو 10 دقايق
https://vimeo.com/66999578
الرابط مش شغال علشان ممنوع وضع روابط مع انه مش مخالف و انا جيباه من موضوع بتاع فتوكه هنا
المهم انتى تعملى للرابط كوبى و فوق خال هتلاقى حته فاضيه و مكتوب فبها لينك الصفحة اللى انتى فتحاها هتلاقى فيها اكيد كلمة .com .
تمسحى الرابط كله و تعملى للرابط اللى انا حطاه بيست و تدوسى جو و الفيديو هييجى
هتلاقوا الرابط ف تانى تعليق تحت
المواعيد اللى هنعمل فيها التمارين هى
قبل اى وجبه بساعه
او بعد اى وجبه بساعتين
زى ما انتى عايزه
و ممكن تعمليها ف اى وقت تاني
اه كنت هنسا هما بيستخدمو ف الفيديوهات دى ف بعض التمرينات حاجه عجيبة كده مش فاكره اسمها
دى ممكن نستخدم بدلها زجاجتين ميليانين ميا
انا مش عارفه وصلكم قصدى من موضوع الرياضه ده ولا لا على العموم اللى موصلهاش الموضوع او مفهمتش اوى احنا هنعمل ايه تسألنى ف تعليق و انا هحاول اوضحله اكتر
الوجبات بقى… احنا عندنا 3 وجبات رئيسيه و وجبتين خفاااف
1 _ الفطار : و ده زى ما قلنا مسموح ناكل فيه حلويات او عصائر او مياه غازيه او فاكهه بتخن زى ما انا كاتبه فوق + رغيف
يعنى حلويات و رغيف او عصير و رغيف او ميا غازيه و رغيف او فاكه بتخن و رغيف زى ما انتو عايزين
( و طبعا الرغيف ده يبقى جواه اى حاجه يعنى جبنة او فول او فلافل اى حاجه تحبوها )
2_ وجبه خفيفه 1 : و دى بعد الفطار ب 3 ساعات و هى عباره عن
1كوب ماء + اى فاكهه او خضارمش بيتخن ( زى اللى انا كنت كتباه مع الميا ) بس هتاكلى ثمرتين اتنين بس
3_الغدا
عباره عن فراخ او لحمة او سمك زى ما انتى عايزه ده اختيارى + سلطه و دى اجبارى انك تاكلى طبق كبيييير سلطه + رز او مكرونة او عيش بس نص الكميه اللى انتى اتعودتى تاكليها يعنى لو انتى اتعودى تاكلى رغيف على الغدا يبقى هتاكلى نص رغيف و تعوضى الباقى بالسلطه و الرز و المكرونه زى العيش بالظبط
4_ وجبه خفيفه 2: و دى بعد الغدا ب 3 ساعات
و عباره عن 1 كوب ماء + ثمرتين فاكهه او خضار مش بيتخنو زى الوجب الخفيفه التانيه
5_ العشا : و ده قبل النوم ب 3 ساعات يعنى لو هتنامى الساعه 12 يبقى تاكلى الساعه 9 و لو مثلا هتنامى الساعه 9 و انتى اكلتى الساعه 6 الوجبه الخفيفه يبقى مش لازم عشا
يعنى اخر وجبه تاكليها لازم تكون قبل النوم ب 3 ساعات
و العشا عباره عن نص رغيف (محشى بيض او جبنه او اى حاجه ) + فاكه مش بتخن و الفاكهه دى اختيارى
و كده انا خلصت المستوى الاول من حملتنا
و النظام ده هنبدأه من بكره 295 لغاية يوم 76
و بدايه من يوم 66 هبعت للمشتركات معايا رسايل اسألهم خسوا اد ايه ؟
و يا ريت يا فتوكات تردوا على الرسايل
و ياريت الفتوكات اللى معايا تقرا الموضوع كامل و تمشى عليه بالظبط
و لازم تردو على الموضوع بأنكم هتنفذوا اللى كتباه علشان اطمن انكم قريتم الموضوع (يعنى تكتبوا تعليقات )
يعنى لااااااازم تردوا على الموضوع يا فتوكات و اى حاجه مش مفهومه اسألوا عليها و انا هرد عليكوا
و طبعا يوم 7 هنزل المستوى التانى … انتظرونى
و لو حبيت اضيف حاجات او اعدل حاجات هنزلهالكم بردو
zizi_nassar zizi_nassar 670103_8.gif فتكات هايلة Fatakat 670103 الاسكندرية – مصر