ازيكم يافتوكات
انا قررت من امبارح بالليل اعمل كفتة فراخ النهرده
والبركه في حبوبتى
مرموره وليد ربنا يكرمها بالذريه الصالحه هى اللي جرت ريقي عليها
وانا اصلا عمرى ماجربتها
دخلت الضهر قعدت كتير ابحث وانقب عن المواضيع
وبرضو موصلتش لطريقة شدتنى وعجبتنى
كنت بلاقي حاجات صعبه ومكلكعه شويه
قمت دخلت المطبخ برجلي اليمين
ومشعارفه هعمل ايه
واتوكلت علي الله
ندخل ع المقادير
1/2 كيلو فيليه صدور فراخ
بصله متوسطه
4 فصوص توم
6 فلفل اخضر من الرفيع ده
ملح
فلفل اسود انا بحبه يكون كتير
ملعقة كبيره كزبره ناشفه مطحونه ومعاها قرنين شطه حمرا ناشفه ( اختياري الشطه )
5 ملاعق بقسماط
ربع ملعقه من الزعتر والروز ماري ووحده حبهان ورشة قرفه وزيها جمزبيل مطحونين مع بعض في مطحنة الخلاط
حته بصباعك كده مرقة دجاج
خلي بالك متزوديش الملح عشان المرقه بتملحه خالص
وزيت للتحمير
الطريقه
بعد مافرمت الفيليه في الكبه ( ضغط متقطع )
وضيفتهم في حله صغنونه
وضفت عليه
البصله المفرومه ومعاها الفلفل والتوم
كلهم مفرومين مع بعض
وضفت باقي المقادير كله كله
وخلطتهم بايدى كويس
اقلبي واعدلي فيبها لغاية ماتظبط معاكى
بعد كده قعدت اصبع الكفته
لحد ماخلصت الكميه زى كده
وحطيتها في الفريزر نص ساعه
وطلعت شكلها كده
ونزلتها في زيت سخن
وصورت الخطوة بس مفيش حاجه ظاهر
فبلاش احطها
وبقيت اعلي النار شويه واوطى شويه
عشان اضمن انها استوت من جوة وبره
ودى بعد ماخلصت قلي كل الكميه
مصفاه وعليها مناديل نشاف
وده بقي كان غدانا النهرده
رز بالشعيريه حبيب الاسره
وبطاطس مقليه
وطبعا برميل السلطه بس مصورتهوش
وصورة كمان عشان الحبايب
ويارب وصفتى تعجبكم
واشوف ردود وتقييم وتشجيع
وهفرح جدا جدا لو جربتوها
مواضيع هذا القسم برعاية
remosh remosh 32551_63.gif امبراطورة فتكات Fatakat 32551 فتكات رموشي محاوطاه وعيونى عاشقاه – مدونة فتكات