حبايبى وحشنى
النهاردة كلنا هنشارك براينا الشخصى اية اهم حاجة اشترتيها وبتبان فى الشقة
يعنى سيبك من الرفايع ال بتتركن تحت السراير ونركز عل المهم والحجات الضرورية ال بتظهر ونكتب الانواع ان امكن والسعر وهنخلى الموضوع دة مرجع للعرايس ونجيب المهم ونوفر باقى فلوسنا بتكلم جد انا هبدا الاول ماشى
ارجو التثبيت وكل ال تدخل اكتبى حاجة وحدة حتة جبتيها وحسيتى بقيمتها وانها اهم حاجة بتبان فى الشقة
وفايدة الموضوع دة نوفر نشترى المهم والنضيف وكمان العرايس ال ظروفهم مش قوى ميتظلموش فى المجايب
يلة نبدا بسم الله
انا من رايى
اولا الاجهزة حسب ماتسئلى والنوع ال يريحك فى السعر والشغل خير الامور الوسط ربنا بيبارك فى القليل صدقونى
اشترى غسالة فوق اتوماتيك ال بتشتغل بمسحوق عادى بس بنفس مميزات الغسالة الاتوماتيك الكاملة انضفهم توشيبا وال جى هاتيها مقاس كبير تنفعك بعد كدة وتوفر المسحوق
التلاجة النوع ال تثقى فية توشيبا
تليفزيون و مروحة استاند
غسالة اطباق 8 افراد وايت ويل حلوة وسعرها حنين 1800 جنية مش اجبارى دى اجهزة ترفية
مكوة عادية سيبك من البخار بامانة دى مهما يحصل ليها بتقدرى تصلحيها وبتشتغل ومبتكلش
مكنسة جربيها ولازم تتاكدى ان موتورها وقوة شفطها جااااااااااامدة فهمانى
شفاط
بوتوجاز 5 شعلة بس للامانة عندى ومش بحتاج لكل الشعل دى هاتى 4 شعلة استالس ممتاز فى غسيلة عن اى نوع تانى
كتيل للشاى كهربى
فرن كهربى مجبتهوش دة ترفيهى
الخلاااااااااااااااااااااااااط هاتى كنوووووووووووووووووووود روعة تقريبا سعرة دلوقتى حوالى 600 جنية بس للامانة انا جبت خلاط عائلة براون علشان اوفر بس انصحك بكنود
الاطباق (نصيحة هاتى الحاجة الوسط فى السعر بلاش الغالى قوى خير الامور الوسط وصدقينى ربنا بيبارك فيها )
طقم صينى للنيش
وطقم كمان صينى للاستخدام بدل الملامين وممكن تشترية فردانى وممكن تشكلى بدل الطقم شوية صينى عل زجاج وفردانى للمطبخ وهيبقو زى الفل ونظافة
طقم اطباق اكروبال
طقم اطباق جاتوة (هاتى الوسط ال سعرة بين البنين)
طقم اطباق عسلى او اى طقم بس ممكن نكتفى بالصينى والاكروبال والجاتوة فقط كدة الاطباق خلصت
لانهم هيترصو فى النيش وكدة كدة جبنا طقم صينى للمطبخ ودة هتختارية سعرة حنين بلاش الغالى قوى دة بالنسبة لكل الاطقم
وبلاش الملامين والسلستين تمام
كدة معانة 4 اطقم اطباق محترمة وشيك
4 اطقم كاسات اشكال مختلفة للنيش
2 طقم كاسات للمطبخ للضيوف
طقم شربات للنيش
طقم خشاف
2طقم كوبايات ماء للعصير والمية للضيوف ومجات 2طقم زجاج وواحد طقم مج صينى
واحد طقم صوانى مدهب عل فكرة هاتى ال سعرة وسط ودول تركنيهم للضيوف وتجيبى طقم صوانى ملامين للشاى بيبقو 3 صوانى فوق بعض
وهاتى صينة للعشا ملامين
انتى ممكن تكتفى ب3 اطقم فقط او اقل ممكن طقمين صدقونى رصى فى النيش رمزيات من الطقم زى فناجين وبراد وكوبايات وباقى الطقم احتفظى بية فى المطبخ للضيوف ولشغلك والله وربنا بيبارك فى القليل
الحلل
اهم طقم
طقم التيفال هاتى زهران وبلاش تكترى 4 حلل كفاية مع 2 طاسة تيفال احنا هنحارب الطقم غالى دة اهم طقم يابنات
طقم حلل سلستين هاتى ال كلة سلستين وادية سلستين
طقم حلل حفظ دى بتحفظ حرارة الاكل بصراحة تنفع للرحلات بس انا جبتها وركنتها
وطقم حلل المونيوم انتى بتستهبلى يالؤلؤة المونيوم اة من فات قديمة تاة دة مهما علينا او اتطورنا والله منقدر نستغنى عنة ترزعى الحلة فى الجدار تترض فى وشك تانى وشغالة زى الحمار لابتكل ولا بتمل وعملى جدااااااااااااااااااااا
بالنسبة للحلل ممكن تكتفى بطقمين فقط احنا هنفتح مطعم عندك طقم التيفال مهمممممممممممممممممممم
ومن راية تختارى معاة طقم الالمونيوم وبلاس السلستين بيحرق الاكل وبيلزق فية للامانة التيفال والالمونيوم افضل شئ
مش هنشترى طقم الكاكاو ولا اى حاجة تانية لان اطقم الاطباق وطقم الجاتوة هيغنينا عن كل دة
هاتى طقم صوانى فرن 3صوانى فوق بعض اما تشتريهم تيفال او تشتريهم المونيوم انا جبت المونيوم
شنطة معالق وشنطة سكاكين هاتى ال سعرة وسط بردة
بلاششششش تشترى طقم حلل الصااااااااااااااج وبلاش السيراميط غالى وبهرجة فى الفاضى وبيتركن هاتى بفلوسك حاجة تانية
كدة معانة 4 انواع حلل
السجاد حسب المساحة واللون هاتى الوسط لا الغالى قوى ولا الرخيص قوى ويفضل من النساجون متكتريش من السجاد كل فترة بيطلع موديلات احدث هاتى عل قد استخدامك
الملايايات
للسرير الكبير
7 ملاية كبار 4 من الغالى بس مش الغالى قوووووووووووووووووى وسط يفنى و3 مشجر
مفرش للدخلة وسط ياجماعة ربنا قمرنا بالاعتدال يبقى شيك ورقيق وسعرة حنين
كوفرتة قطع كدة باين 7 قطع 2 مفرش موهير وبطانية راقين ولحاف فيبر كدة السرير الكبير
للسرير الصغير
4 اطقم ملايات اطفال هاتى ال هوة عبارة عن كرتونة فيها ملايتين شبة بعض وبكدة لمة نقول 2 فى 4 يبقى 8 ملايات تمام
2 كوفرتة
2مفرش مهير
2 بطانية
2 لحاف فيبر
2 مفرش للزينة وسط بردة وهاتى كل اتنين مجوز شبة بعض مترقعيش تمام كدة
2 كرتونة فوط واحدة فيها 4 فوط قطن والتانية فيها 4 فوط قطيفة ومتجبيش اكتر من كدة لان كل فترة بيطلع حجات احلى صدقونى
2 كرنونة صغيرة فوط حمام احم احم
كرتونة فيها 2 برنس بقولك بردة بلاش الغالى قوى
الملابس ( ملحوظة الملابس دى فى حدود المعقول عاوزة تزودى براحتك بس انا كاتبة لحبايبى ال بردة الميزانية يدوب تظبط امورها وتبقى مش اقل من اى عروسة تمام كدة )
6 برا
6 اندر
8 قميص نوم شكلى براحتك
6بجامة صيفى اشكال مشكل
6 بجامة شتوى مشكل
الخروج حسب راحتك
الميكب بلاش تبهرجى من كل حاجة نوع واحد وبلاش العلب الكبيرة هاتى فردانى انضف واضمن واحلى كتير
براون سيلك ابيل هاتيها مفيش غنا عنها ودابر املا المخدر بيقلل القلم وكريم سعد ينهى مشكلة الشعر
عارفة ان فى رفايع متقالتش دى بقى الرفايع الهبلة ال تتلم فى يوم انا قولتلكم التقيل كلة يلة شاركى بتجربتك وبرايك الشخصى وانصحى اخواتك ربنا يتمم ليكم بخير الموضوع مفتوح للنقاش اتمنى يعجبكم ويثبت ارجو التقيم
فين التقيم يارجالة عوزينة يثبت لعرايسنا
تبعونى فى المشاركات ال جاية وهرفع صور وبجد هتستفيدو قوووووووووووووووى
ابتعدى تماما عن حلل الساج والسراميك واطباق ملامين وسلستين والشواية الكهربية فرن البوتوجاز يغنى والفرن الكهربى دة للترفية عل حسب قدرتك بس انا مجبتهوش ملوش لازمة مكفاية الفرن ال4 او ال5 شعلة احنا هنفتح مخبز نكمل باقى الحديث
لؤلؤة البجار لؤلؤة البجار 574852_4.gif سوبر فتكات Fatakat 574852 القاهرة – مصر