عاملين أية يا حلوين
وحشتوني وحشتوني وحشتووووني
(الله يمسيها بالخير الست وردة)
انا قلت افرجكم علي اخر مصيبة ليا في معملي
قصدي مطبخي طبعا
انا عملتلكم الكنتاكي الفظيع ابو فلوس كتييير دي
انا عملتة في البيت وكمان احنا عارفين نظافتة أزاي وكمان متبل بأية
يالا نقول
بسم الله
ونشمر كماممنا
وادي المقادير:
دقيق-بقسماط متبل-فلح وململ-بابريكا-ثوم وبصل بدرة-زيت غزير للقلي-بيضتان-فنجان لبن-
كوب ماء
وطبعا اهم اجة
الحلوة النوسة الكونوسة
الست فرخة هانم وياريت تكون مربربة كدة زيي
نيجي للطريقة:
ومعلش استحملوني لو طولت عليكم احسن انا لسة واخدة نحو الامية بشوكي.
1- بعد ماتدي الست فرخة دش غسيل معتبر من أياة المابنتوصاش بية دة طبعا وتتصفي كويس جداااااا
هنجيب حلة ونحطها علي النار تسخن كويس.
2- هنحط الست كوكو في الحلة وهي سخنة أوف أوف جامد ونقلبها علي كل جنب شوية – نكون محضرين بصلة كدة حلوة ومقطعينها ومعاها شوية فلح وململ كام فص حبهان علي كام فص مستكة وورقتين لورا وندلوقهم مع الست فرخة ونقلبهم كويس.
3- تكوني مسخنة مقدار مياة سخنة تغطي الفرخة في الحلة وبعد ماتحسي ان الفرخة اتسفحت كويس من كل النواحي هنصب المياة السخنة عليها ونسيبها تغلي غلوتين علي العالي وبعد كدة نوطي النار ونسيبها.
4- دلوقتي حضرتك انتي وهي هنجيب 3 طبق فاضي
واحد: هنحط في البض مع اللبن ونقطتين خل (علشان الزفارة)
الثاني: هنحط فية البقسماط المتبل بالتوابل وممكن تضيفي علية كيس فيجيتار عادي او سبايسي زي ماتحبي
الثالث: بأة دة اهم واحد – هنحط كوبايتين ونصف دقيق وبالمعلقة هنحط المياة شوية شوية وتفضلي تدعكية بايدك لحد لما يفرول وتحسية مقطع مش معجون.
واضح لحد هنا كدة اظن
5- كدة الست فرخة اتسلقت ماتسيبيهاش تنهري لازم تكون ماسكة نفسها – طلعيها تبرد شوية وبعد كدة حطيها في الثلاجة .
6- لما تبرد كويس طلعيها وشيلي من عليها الجلد وقطعيها حسب رغبتك – انا قطعت الفرخة علي 8.
7- نيجي بأة للمهم : هتخدي قطع الكوكو وتحطيهم في البقسماط المتبل وبعدين البيض وبعدين البقسماط تاني وبعدين البيض كمان مرو وفي الاخر اهووة هتحطيها بالراحة في الدقيق المفرول وتسبتية عليها بس ماتضغطيش بأيدك.
8- وتفضلي تكرري الحكاية دي لحد لما تخلص كل الكمية – معلش هي تبان شغلانة لكم والله هي مابتاخدش وقت خالص. رصي الكوكو علي طبق كبير جنب بعض ومش فوق بعض.
9- في الوقت دة تكوني حاطة زيت غزييييييير عي النار وتسيبية يسخن جامد – لما يقدح كويس حطي قطع الفراخ وخدي بالك انها مابتاخدش وقت خالص لانها مسلوقة ومستوية يادوب تلون بس.
10- طلعيها علي ورق مطبخ وقدميها مع بطاطس وكول سلو ورز كنتاكي بيتي والا اجدع خواجة كنتاكي
وادي صورتهابعد ماطلعت
وادي صورة علشان الحبايب
وبألف هنا علي قلوبكم
بالزمة مش جادعة احسن ماكنت افلس بسبب الخواجة كنتاكي البنتي مغرمة بية
مش انا احلي
ماتنسوش التقييم يا كتاكيت احسن هزعل واعيط وادبدبلكم هنا
وكمان دعوة حلوة لجوزي وبناتي وليا بالستر والفرج القريب
ربنا يرزقنا الجنة جميعا ان شاء الله
مواضيع هذا القسم برعاية
ست البيت الزعلانة ست البيت الزعلانة 182018_2.gif فتكات متميزة Fatakat 182018 ارض الله الواسعه – في حضن حبيبي وحبيبتي – مصر